اسرائیلی پوج ءِ تیرگواری ءَ زالبولیں اھوالکار بیران بیتگ

اسرائیلی پوج ءِ ناگتی تیرگواری ءَ چہ ‘ الجزیرہ ‘ ءِ زالبولیں اھوالکار بیران –

درملکی خبررساں ایجنسی ‘رائٹرز ‘ ءِ رد ءَ الجزیرہ ءَ کار کنوکیں زالبولیں اھوالکاریں شریں ابوعاقلہ اسرائیل پوج ءِ تیرانی نشانگ بیتگ، وئیل ءِ تامربند ءَ گندگ بیت اِنت کہ زالبول ءِ سر ءَ تیر لگ ایت-

فلسطین ءِ وزارت ءِ جانسلامتی ءَ شریں ابو عاقلہ ءِ مرگ ءِ ھال ءَ راست کنان ءَ گوشتگ دگہ یک اھوالکار علی سمودی کہ یروشلم قدس روتاک ءِ واستا کار کنوکے آ ھم زدگ بیتگ-

بلے داں انگت ءَ اسرائیلی پوج ءَ وتی درشان ءَ ٹاہ داتگ کہ جینن شھر ءَ فلسطینی سلاہ بندیں مردمانی نیمگ ءَ تیرگواری ءَ پد پوجی کارمندانی تیرگواری کتگ ءُ اے بیت کنت اھوالکار ءَ را فلسطینی سلاہ بندانی تیر لگ اِتگ اَنت-

زالبولیں اھوالکار ءِ ھمراہ ءُ سنگتاں آئی ءِ مرگ ءِ سر ءَ پدردی زھرشانی کنان ءَ گوشتگ اھوالکارانی واستا ٹوھیں تاوانے –