یکجاہ ءُ یکمشتی ءِ سکین – ایچ این بلوچ آبادی

نبشتانک : یکجاہ ءُ یک مشتی ءِ سکین

نبشتہ کار: ایچ این بلوچ آبادی

دی بلوچستان پوسٹ

ریاست مئے نزوری ءَ گندگ ءَ اِنت مئے کمزوری ءَ چارگ ءَ اِنت کہ ما پشت کنز بوھگ ءَ اِنت گڑا آ روچ پہ روچ مئے مات ءُ گوھاراں چست کنگ ءَ اِنت پرچاکہ ما یکجاہ ءُ یک مشت نہ ایں وھدیکہ یکجاہ ءُ یک مشت نہ بہ ایں گڑا ریاست وتئی زلم ءُ زوراکیں گیش کنت ءُ مارا زلم ءِ آماچ کنت ما گندگ ءَ ایں کہ روچ پہ روچ زلم گیش بوھگ ءَ اَنت ریاست ءَ مردانی چست کنگ بندات کت پد ءَ نودربرانی گار ءُ بیگواہ کنگ بندات کت من ءُ تو نشتگ ءُ چارگ ءَ ایں گڑا نی مئے مات ءُ گوھارانی سرا دست چست کتگ ءُ گار ءُ بیگواہ کنگ ءَ اِنت اے وھد ءَ مارا یکجاہ ءُ یک مشت بوھگی اِنت ءُ دژمن ءِ دیم ءَ اوشتگی اِنت چوں کوہ ءَ مِکّ بوھگی اِنت-

وھدیکہ من ءُ تو یکجاہ ءُ یک مشت نہ بہ ایں ریاست انگت گیشی کنت نی نندگ ءُ چارگ زیب نہ دنت ریاست ءَ وتئی دست کہ مئے ازت ءُ گیرت ءِ سرا ایر کتگ نی مارا نندگی نہ انت بلکیں گوں ترندی ءَ پاد آیگی اِنت زلم ءِ جواب گوں ترندی ءَ دیگی اِنت اگاں چش نہ کن ایں گڑا ریاست مارا گیشیں زلمانی آماچ کنت ءُ بازیں زلم ءُ زوراکی کنت اگاں یکجاہ ءُ یک مشت نہ بہ ایں گڑا ما ھچ پیم سوبمند نہ بہ ایں یکجاھی ءِ تہ ءَ سوبمندی اِنت مارا جھد کنگی اِنت پہ یک بانداتے ءَ کہ وتئی مستر ءُ کستر وت بَیگ لوٹ اِیت اے جنگ مارا تیزی ءَ گون دیم ءَ برگی اِنت ءُ بازار ءَ آرگی اِنت-

مئے پدریچ ءُ آؤکیں وھد مارا ھمے لوٹ اِیت کہ ما وتئی نگرھیں جان ءَ کربان بہ کن اِیں
چوناہ ءَ ھر زند ءِ واھگ وشیں ءُ ایمنیں زند اِنت دراھیں انسانانی بُنی واھگ اِنت کہ ما ایمن ءُ وشیں زندگی یے واھند بہ بہ ایں بلے وھدے ما گندیں مئے ننگ ءُ ناموس ءُ گیرت ءِ سر ءَ دست چست بوھگ ءَ انت مئے مات ءُ گوھار بندیگ بوھگ ءَ اَنت کھریں کورچاتاں برگ بوھگ ءَ اَنت گڑا پہ ما اے لازم بوتگ ما وتئی ننگ ءُ گیرت ءِ پھازگ ءَ جھد ءِ بھر بوھگ لوٹ اِیت ءُ تپاکی لوٹ ایت-

ھدا مارا کُل بلوچاں یکجاہ ءُ یک مشت بہ کنت سلامت بات گلیں راج

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔