بلوچ ریپبلکن پاٹی ءِ جارکش شیر مھمد بگٹی ءَ چاگی ءُ نوکنڈی ءَ پر امنیں زھرشانی ءِ سر ءَ ایف سی ءِ تیرگواری ءِ وئیل ایر جتگ ءُ گوشتگ کہ دودمانیں چاگرداں ھمک انسان ءَ زھرشانی کنگ ءِ ھک ھست اِنت-
آئی ءَ گُشتگ کہ لس شھریانی سر ءَ تیرگواری بلوچستان ءَ بازیں وھداں چہ برجاہ اِنت ءُ اے رنگیں وئیل ھمک وھدی جوڑ بیتگ اَنت – آئی ءَ گُشتگ کہ چاگی ءِ وئیل ءَ بازیں روچ بیتگ اَنت داں انگت ءَ پَٹ ءُ پول کنگ بیتگ ناکہ دگہ کسے نامزد کنگ بیتگ چریشی ءَ تچک ءَ زانگ بیت اِنت گوست ءِ رنگ ءَ اے وئیل ھم چیرترینگ بیت اِنت-
بی آر پی ءَ انسانی ھکانی باسک ءُ گلاں چہ دزبندی کتگ کہ اے وڑیں وئیلانی ھلاپ ءَ توار چِست بہ کن اَنت-