ندر پہ مھروانیں همبل شھید نور سلام نور ءِ نام ءَ
شائر: سلیم ناز
دی بلوچستان پوسٹ
یاتانی چموکیں اِستالے
پہ بزگ ءُ واراں دیوالے
پہ ماتیں دیار ءِ جنگ ءَ شُت
تو کول کتگ گوں اے راج ءَ
دژمن کہ نہ بارتیں هچ باج ءَ
پہ لُج ءُ وتی بیا ننگ ءَ شُت
همراه اَت مدامی اے بیلانی
توپان نہ چار اِتگ سیلانی
درنگکولیں بلوچ ءِ دّرنگ ءَ شُت
تو هاک ءُ زمین ءَ هون بکشات
ایراَنت تاں جهان هست تئی سوگات
جنگول ءُ تمرد ءِ رنگ ءَ شُت
منزل نوں دو گام ءَ اندیم اِنت
چمّانی گش ئے بیا مئے دیم اِنت
پہ کست ءُ بدانی وانگ ءَ شُت