نودربر حفیظ بلوچ ءِ زورانسری ءِ سر ءَ ایچ آر سی پی ءَ پدردی درشان کتگ

پاکستان کمیشب برائے انسانی حقوق (ایچ آر سی پی) ءَ بلوچستان ءُ ڈیھ ءِ دگہ بھراں زورانسری آوارجنیانی نوکیں درچ ءِ بنداتی ءِ سر ءَ پدردی درشان کنان ءَ گوشتگ کہ ھمے زوتاں قائد اعظم یونیورسٹی اسلام آباد ےِ پوسٹ گریجوایٹ ءِ نودربر حفیظ بلوچ زورانسری ءِ آوار جنیانی درچاں ھوار اِنت-

آئی ءَ گوشتگ کہ حفیظ بلوچ ءِ ناگتی ھزدار ءَ آوار جنگ بیتگ کہ اود ءَ یک دمگی اسکولے ءَ کمکاری ءِ رنگ ءَ کار بیتگ سر بیتگیں ھالانی تہ ءَ ھال دیگ بیتگ شاگردانی دیم ءَ آوار جنگ بیتگ – اے شرمناکیں گامگیج ءَ سرپدی رس ایت مجرماں سزا ءَ کجام رنگ ءَ واک ھست اِنت – حفیظ بلوچ الکاپی ءَ یل کنگ بہ بیت ءُ مجرمانی نشاندھی کنگ ءُ آئی ءَ را انساپ دیگ بہ بیت-

آئی ءَ گوشتگ کہ بژنیگیں گپ ایش اِنت زورانسری آوارجنیانی جرم گوشگ ءُ سرکار ءُ چی واھدہ کتگ تچک ءَ تچک گندگ ءَ آیگ ءَ اِنت -بلوچستان یونیورسٹی ءِ دو نودربر گوستگیں نومبر ءَ ناگتی آوار جنگ بیتگ اَنت، بلے یونیورسٹی ءِ نودربرانی دراج کشیں نندانک ءَ پد آیاں یل کنگ ءِ ستکی ءَ سرگوستگ ءُ پد ءَ اے درگت ءَ ھچ گامگیج زورگ نہ بیتگ –

ایچ آر سی پی ءَ اُستان ءَ زورانسری آوارجنیانی بے تواری ءَ بژنیگ اِنت، بلے بنچک ءَ اے راستگیں گپاں بے دلگوش کنگ ءَ اَنت ریاست ءَ سرپد بیگ لوٹ ایت آ بلوچانی جائزیں لوٹانی سرجم کت نہ کنت گڑا آیاں بے دلگوش کت نہ کنت-