تربت: پوجی چوکی ءِ سر ءَ سلاہ بنداں اُرش کرتگ

بلوچستان ءِ دمگ کیچ ءَ ناشناسیں سلاہ بندیں مردماں پوجی چوکی ءِ سر ءَ اُرش کرتگ-

اُرش کیچ ءِ بنجاھی شھر تربت ءَ بالی پٹ دگ ءَ ھستیں چوکی ءِ سر ءَ کنگ بیتگ-

دمگی مردمانی رد ءَ اُرش ءَ پوج ءَ جانی تاوانانی دیمپانی کنگ کپتگ بلے اشی ءِ راستی انگت نہ بیتگ-

بلوچستان ءَ اے وڑیں اُرشانی زمہ واریاں گیشتر بلوچ سلاہ آجوئی لوٹوکیں گل منّگ ءَ اَنت بلے داں انگت ءَ اے اُرش ءِ زمہ واری کس ءَ پہ وت ءَ نہ زرتگ-

ھمے وڑ پنجگور ءِ دمگ وشبود ءَ تھانہ ءِ نزیک ءَ تیرگواری ءَ پولیس کارمند باب جان زدگ بیتگ ءُ نادراہ جاہ ءَ برگ بیتگ-

داں انگت ءَ اے وئیل ءِ درگت ءَ سرپدی نہ بیتگ-

ھمے وڑ گوستگیں شپ ءَ پوج ءَ کیچ ءِ دمگ شاپک ءَ وتسر ءَ تیرگواری کرتگ –

دمگی مردمانی رد ءَ پوج ءِ تیر لوگانی کش ءُ گوراں کپتگ اَنت بلے وشبھتی ءَ کس ءَ تاوان نہ بیتگ – تیرگواری ءِ آسر ءَ دمگ ءَ ترس ءُ بیم ود اِتگ –