جعفرآباد ءَ بوتگیں بمب اُرش ءِ زمّہ واری بی آرجی ءَ منّ اِتگ

سھبت پور چار راہ ءِ سر ءَ دزبمب اُرش ءَ دو پولیس کارمند مرتگ اَنت – دوستین بلوچ

بلوچ آجوئی لوٹوکیں سلاہ بندیں گل بلوچ ریپبلکن گارڈ ءِ جارکش دوستین بلوچ رسانکدراں وتی شنگ کرتگیں درشان ءِ تہ ءَ گوشتگ کہ مئے سرمچاراں مرچی جعفر آباد ءِ دمگ ڈیرہ اللہ یار میتگ ءَ سھبت پور چار راہ ءَ پولیس ءِ گاڑی ءِ سر ءَ دزبمب اُرش ءِ کُتگ چریشی ءَ دو پولیس کارمند مرتگ ءُ دو سک باز زدگ بوتگ-

جارکش ءَ گوشتگ کہ اُرش ءَ پد پولیس ءُ پوج ءَ وت ءَ وئیل جاہ ءَ سر کُتگ، بلے مئے سرمچار پہ وشی درآھگ ءُ رؤگ ءَ سوبین بوتگ اَنت –

جارکش دوستین بلوچ ءَ درشان ءِ گڈسر ءَ گوشتگ کہ زورگیریں پوج ءِ سرجمی درآھگ ءَ تاں مئے اُرش برجاہ مان اَنت –