بلوچستان ءِ تیابدپی شھر گوادر ءَ سَے شمبے ءِ شپ ءَ میرن ڈرائیور سید ھاشمی یاتگاری چار راہ ءَ ایم وی ٹی ءِ کارندھانی ھلاپ ءَ مھلوک زھرشانی ءَ دراتکگ اَنت-
شھریانی رد ءَ اسنیپ چیکنگ ءِ نام ءَ رھگوزی مردماں دار اَنت پَٹ ءُ پول ءَ بندات کن اَنت چریشی ءِ سبب ءَ مھلوک یکدم پریشانیانی دیمپان اَنت –
شھری ءُ کارمندانی میان ءَ ٹول مٹولی ءَ پد حق دو تحریک ءِ باسک سر بیتگ ءُ میرین ڈرائیور ءِ سر ءَ زھرشانی ءَ لگ اِتگ ءُ دگ اش بند کتگ-
گڈی اھوالانی رد ءَ میرین ڈرائیو ءِ ھند ءَ زھرشانی برجاہ اِنت مھلوک ءِ آیگ بندات بیتگ –
شھریانی رد ءَ گوادر شھر ءَ بازیں سیکورٹی فورسز جاہ جاہ ءَ سنیپ چیکنگ ءِ نام ءَ مھلوک ءِ کمشرپی ءَ کنگ ءَ اَنت-
شھریاں گوشتگ کہ پولیس، ایف سی ءَ ھوار کجام ادارہ ءَ اے ھک نیست اِنت آ شرپمندیں شھریاں کمشرپ بہ کن اَنت –