گوادر: پاکستان صدر ءِ ترءُتاب ءِ میان ءَ گوادر ءَ بمب تراک

سربوتگیں ھالانی رِد ءَ بلوچستان ءِ تیاب دپی دمگ گوادر ءَ ناشناسیں مردماں پاکستانی نیوی پوج ءِ بنجل ءِ سر ءَ اُرش کُتگ –

اُرش گوادر ءِ دمگ سربندن ءَ زِر ءِ کَش ءَ برجاھیں پاکستان ءِ میرین بنجل ءِ سر ءَ کنگ بوتگ – ھالانی رِد ءَ ناشناسیں مردماں پوج بمب تراک اُرش ءِ نشانگ جوڈ کتگ –

اھوالکار رِد ءَ اُرش ءِ آسر ءَ پوج ءَ جانی ءُ مالی تاوان ءِ دیمپانی بوتگ بلے تنی وھدی پکائیں ھال نیست ءُ ناکہ سرکار ءِ نیمگ ءَ اے درگت ءَ چیزے گوشگ بوتگ –

زانگ بہ بیت اے اُرش ھما وھد ءَ بوتگ کہ پاکستان ءِ صدر عارف علوی ءُ بلوچستان ءِ مزن وزیر ءُ گورنر دو روچ ءِ ترءُتاب ءَ گوادر ءَ ساڈی بوتگ انت –

تنی وھدی اے اُرش ءِ زمہ واری ھم ھچ گل ءِ نیمگ ءَ منّگ نہ بوتگ –