نبشتانک: کوڑھیں امروز ءِ ھمراھیں سپر
نبشتہ کار: سیپ بلوچ
دی بلوچستان پوسٹ
زندگی ءُ زندمان ءِ بار کوپگ ءَ اِنت اِمروزے جُلگاه چادر ءِ لَمب ءَ پیڑ اِتگ چو مَربوم ءِ مساپر ءَ سپر کنگ ءَ آں بلے دل ءَ امیت ءِ هزار گرنچ مان بستگ ، برے برے اے لاپ ءِ شوهاز ءُ درپہ دری ءَ چہ در کپاں ساهت ءُ دمانے ءَ همے جیڑاں کہ مردم کسان کدی بیتگاں ،ءُ پیر چتو بیت بلکیں اے زند همے مربوم ءِ مساپری ءَ گوں گوز ایت –
کمو ترانگ ءَ کپگ ءَ رند سماه کپ اِیت کہ اے مربوم ءِ مساپریں زند ءِ همراهی ءَ بازیں همراه ءِ هست اَت بلے داں دور چم کار کناں یکے اوں کندگ نہ بیت ، کے ات کے اِنت ، کجا انت کجا شت ، بلے یاداشت کمزور اِنت بلکیں کس نہ بوتگ ، انا هاگهی ئیں شپانی سرون ءَ الم کسے بوتگ کہ گداناں دیوان کتگ ئِے بلے هو ، یات اتک هست بوتگ ، لهتیں شت ، لهتیں دیم ءِ مانش ءَ واب اِنت لهتیں بیگواه اِنت لهتیں نزاناں کہ لاپ ءِ شوهاز ءَ کجام در ءُ در ڈیهاں شتگ اَنت-
بلے لهتیں همراه اِت اَنت مجتی ئیں آ مرچی مانش ءِ زیبائی ءَ گوں پراه ءُ شاگهانیں واب ءَ گوں گلائیش اَنت ، زندگی نوں یار تئی سپر گڈی تاک ءَ رس اتگ سر اِنت ، همے گمان بیت کہ زندگی نوں تئی بیگواهی ءِ سامان سرجم بوتگ انت-
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔