دکی اشکر ءِ کھن ءِ وئیل ءَ دو کھنجن بیران بوتگ اَنت

بلوچستان ءِ دمگ دکی ءَ اِشکر کھن وئیل ءَ دو کھجن مرتگ ، وئیل ءَ بیران بوتگیں مردمانی پجّار روح اللہ ءُ اختر محمد ناماں چہ بوتگ اَنت-

بیران بوتگیں مردمانی سیادی ھمساھگیں ڈیھ اوگانستان ءَ چہ گوشگ بوگ ءَ اَنت-

اھوالکارانی رِد دوئیں کھجن ٹرالی دپ ءَ کپتگ ءُ بیران بوتگ اَنت لاش اوگانستان دیم دیگ بوتگ اَنت-

بلوچستان ءَ اشکر کھن ءِ وئیل ھمکروچی بوگ ءَ اَنت گوستگیں روچاں اشکر کھن ءَ ٹرالی ءِ ساد سِدگ ءَ سبب ءَ چہ ٹرالی ءِ دپ ءَ کپگ ءَ یک کھنجنے بیران بوتگ-

اے کھنجن پجّار فیض اللہ ء کلیم اللہ راج کاکڑ جھمنند قلعہ سیف اللہ نام ءَ چہ بوتگ-

بلوچستان ءَ ھپت ضلعاں اشکر ءِ 2800 ءَ گیش کھن ھست آیانی تہ ءَ کساس 70 ھزار کھنجن کار کنگ ءَ اَنت- کھن جنانی ھک ھاتر ءَ کارکنوکیں گل ءِ رِد ءَ اشکر کھناں پھازوکی انتزام ءُ آسراتیانی نہ بوگ ءِ سوب ءَ اے وئیل ھکمروچی جوڑ بوتگ اَنت-