بارکھان ءَ اھوالکار ءِ دزگیری ءَ ھواریں کتکار دزگیر کنگ بہ بنت – پی جے او جے

پاکستان گروپ آف جرنلسٹس ءِ بنجاھی کماش بشیر خان، مرکزی سیکرٹری جنرل مہر عبدالمتین ءَ پاکستان گروپ آف جرنلسٹس بلوچستان ءِ کمک سرکماش عبدالرزاق کھیتران ءِ سر ءَ اُرش ایر جتگ گوشتگ کہ پاکستان ءِ اھوالکار کدی پھریزگ بنت –

پاکستان گروف آف جرنلسٹس ءَ لوٹ کتگ کہ عبدالرزاق کھیتران ءِ سر ءَ اُرش کنوک زوتاں زوت دزگیر کنگ بہ بنت اگاں ناں ما لاچار بئیں کہ سرجمیں ملک ءَ زھر شانی کنگے جار ءَ جنیں –

آئی ءِ گوشگ ات کہ پاکستان گروف آف جرنلسٹس ءَ مدامی ھستیں وھدے سرکار یات دئیائینگے کوشست کتگ کہ پاکستان ءَ ھمک روچ اھوالکات لٹ شاپ کنگ بنت کُشگ ءُ آھانی اوار جنگ وڈیں کیسانی تہ ءَ گیشی اھگ ءَ انت ھمے زوتاں بلوچستان ءَ پاکستان گروپ آف جرنلسٹس بلوچستان ءِ کمک سرکماش عبدالرزاق کیھتران سر ءَ اُرش کتگ آئی ءَ وتی زمہ واریانی پیلو کنگے کوشست بوھگ ءَ انت –

آئی ءَ گوشتگ کہ ما بلوچستان ءِ وزیر اعلی عبدالقدوس بزنجو ءَ چہ لوٹ کنیں کہ زوت ءَ زوت ارشکار دزگیر کنگ بہ بنت ءُ اے سازش بے نکاب کنگ بہ بنت اگاں نان ما لاچار بئیں کہ سرجمیں ملک ءَ زھرشانی ءِ جار بہ جن ایں –