جھاؤ ءَ زورگریں پوج ءِ گون ءَ جنگ ءَ دشمن ءِ چار کارندہ کشتگ اَنت – بی ایل ایف

بلوچستان لبریشن فرنٹ ءِ جارکش میجر گوھرام بلوچ ءَ ناشناسیں جاھے ءَ رسانکدراں تران کنان ءَ گوشتگ سیزدہ جنوری ءَ آواران ءِ دمگ جھاؤ ءَ سوڑ عطاء مھمد گوٹھ ءَ پاکستانی پوج ءُ بلوچ سرمچارانی سپر ءِ میان دیم پہ دیمیگی بیتگ ءُ جنگ بندات بیتگ-

اے وھد ءَ سرمچاراں زورگریں پوج ءِ سر ءَ مزنیں سلاہ ءُ راکٹانی گون ءَ نشانگ کرتگ ءُ پشتکنزی کرتگ-

جارکش ءَ گشتگ اے جنگ ءَ چار کارندہ ھما جاہ ءَ مرتگ اَنت ءُ بازینینے زدگ بیتگ اَنت ءُ سرمچار سلامتی ءَ درایگ ءَ سوبمند بیتگ ءُ مُھریں جاھاں شتگ اَنت –

میجر گوھرام بلوچ ءَ گُشتگ جنگ ءَ پد پروش وارتگیں پاکستانی پوج ءَ جھل جحمھاؤ ءِ بازیں جاھاں کوھی دمگاں تیرگواری کرتگ –

جارکش ءَ گشتگ زورگریں پوج ءِ سر ءَ اُرش بلوچستان ءِ آجوئی ءَ برجاہ مان اَنت-