بلوچستان: دگ ءِ وئیل ءُ دگہ وئیلاں یک مردمے بیران، ھپت زدگ بیتگ اَنت

بلوچستان ءِ جتا جتائیں جاھاں پیش اتکگیں دگ ءِ وئیل ءُ دگہ وئیلاں ھپت مردم زدگ بیتگ اَنت ھمے وڑ ءَ یک مردمے گیس ءِ لیکج ءِ سبب ءَ دمتوس بیتگ ءُ بیران بیتگ –

اولی وئیل ھزدار ءِ دمگ وڈھ ءِ ھند سونارو ءَ پیش اتکگ کہ اود ءَ ترند رؤکیں گاڑی یے چَپ بیتگ ءَ چریشی ءَ سواریں چار مردم زدگ بیتگ اَنت-

گاڑی چہ ھزدار ءَ دیم پہ سونارو ءِ نیمگ ءَ روگ ءَ بیتگ، وئیل ءَ زدگ بیتگیں مردم دمگ ءِ ھیڈکوارٹر ھسپتال وڈھ ءَ برگ بیتگ اَنت-

یک دگہ دگ وئیلے شال ءِ دمگ نواں کلی ءَ شھدگ ءِ سر ءَ پیش اتکگ چریشی ءَ سَے مردم زدگ بیتگ اَنت ءُ اے مردم نزیکیں نادراہ جاہ ءَ برگ بیتگ اَنت-

دکی کلی سراج الدین ناصر ءَ گیس ءِ سبب ءَ ساہ ءِ بند بیگ ءَ بکت مھمد ء شادی خان نامیں ورنایے بیران بیتگ – کھول ءِ رد ءَ بکت مھمد جانشود جاہ ءَ گیس لیکج ءِ سبب ءَ دمتوس بیتگ ءُ بیران بیتگ –