چہ بلوچستان شھدربرجاہ ءَ نودربرانی کیس بیگواھی نہ اِنت – آئی جی بلوچستان

اسلام آباد ءَ پاکستانی ایوان بالا ءِ قائمہ کمیٹی انسانی ھکانی نیاد چیئرمین کمیٹی سینیٹر وکید اقبال ءِ چیردستی ءَ پارلیمنٹ ھاؤس ءَ برجم دارگ بیتگ چریشی ءَ آئی جی بلوچستان لوٹگ بیتگ –

قائمہ کمیٹی ءِ نیاد ءَ سینیٹر سیف اللہ ابڑو ءِ نیمگ ءَ دَہ نومبر دوھزار ءُ بیست ءُ یک ءَ سینیٹ ءَ میسد بیتگ اَت ناظم جوکھیو ءِ کوش، سینیٹر فدا مھمد ءُ سینیٹر فدا احمد ءُ سینیٹر مشتاق احمد ءِ نیمگ ءَ چہ دَہ نومبر دوھزار ءُ بیست ءُ یک ءَ برجم دارگ بیتگیں سینیٹ نیاد ءَ چِست کنگ بیتگ مالاکنڈ ءَ سوشل باسک ءُ میڈیا پرسن ءِ نشانگ،بلوچستان شھدربرجاہ ءَ دو نودربرانی آوار جنگ ءِ سبب ءَ زھرشانیاں ابید سینیٹر کامران مرتضیٰ ءِ نیمگ ءَ سَے مردمانی بیگواھی ءِ درگت ءَ چمشانک دیگ بیتگ –

بلوچستان شھدربرجاہ ءَ دو نودبرانی آوار جنگ ءِ سبب ءَ زھرشانی ءَ کمیٹی ءِ نیاد ءَ دلجمی ءِ ھالانی چمشانک داتگ –

آئی جی بلوچستان ءَ کمیٹی ءَ را گشتگ بیگواھیں مردمانی تہ ءخ ھشتاد درسد کاینت، ھما شھدربرجاہ ءَ دو نودربر بیگواہ اَنت آیانی بارو ءَ پٹ ءُ پول بیگ ءَ اَنت آ یونیورسٹی ءَ چہ ڈن گار بیتگ اَنت –

شھدربرجاہ ءِ بیگواھیں نودربرانی کیس ءِ سر ءَ گپ کنان ءَ آئی جی بلوچستان ءِ گوشگ اَت کہ چُشکہ بیگواھیں نودربرانی کیس ءِ پَٹ ءُ پول بیگ ءَ اِنت اشی ءَ زورانسری ءِ آوار جنی ءِ کیس گوشگ نہ بیت اِنت-

آئی جی ءَ کمیٹی ءَ را شَور داتگ کہ بیگواھیں مردمانی واستا یک کمیشنے جوڑ کنگ بیتگ کہ اے وڑیں کیساں چار اِت کنت جوانتر ایش اِنت اے وڑیں جیڑھاں کمیشن ءَ را سر بہ کن اَنت-

زانگ بہ بیت گوستگیں سال ءِ یکم نومبر ءَ بلوچستان شھدربرجاہ ءِ ھاسٹل ءَ چہ دو نودربر دو نودربرانی زورانسری آوار جنی ءِ وئیل دیم ءَ اتکگ اَنت جامعہ ءَ چہ نودربرانی زورانسری ءِ آوار جنی ءَ پد نودربرانی نیمگ ءَ زھرشانی ءُ نندانکانی درچ بندات بیتگ اِت اَنت-

نودربرانی زورانسری آوار جنی ءِ ھلاپ ءَ نودربراں جامعہ بلوچستان بند کتگ اَت پد ءَ سرکارانی واکدارانی نیمگ ءَ گپ ءُ تران ءُ باورکنائینگ ءَ نودربر گلاں وتی زھرشانی ھلاس کتگ اَت بلے اشاں ابید ھم ھردوکیں نودربر دیم ءَ آرگ نہ بیتگ اِت اَنت-

چیئرمجن کمیٹی سینیٹر ولید اقبال ءَ دیمتر ءَ گشتگ کہ ستمبر دوھزار ءُ بیست ءَ ھستیں سرکار ءَ یک کمیٹی ءِ جوڑ کرتگ اَت آئی ءِ مول ءُ مراد اے وڑیں وئیلانی پژدر ءَ پَٹ ءُ پول کنگ بیتگ دانکہ اے وڑیں کیساں زوت پَٹ ءُ پول بیگواھیں مردمانی دیم ءَ ارگ –