دی بلوچستان پوسٹ پتر ھال ءَ سر بیتگیں ھالانی رد ءَ بلوچستان ءِ دمگ واشک ءَ پاکستانی پوج سی ٹی ڈی ءُ ایف سی ءَ چار ورنا دزگیر کنگ ءَ پد بیگواہ کنگ کرتگ اَنت-
بیگواہ بیتگیں مردمانی تہ ءَ یکے واشک خراسی ءِ دمگ ءِ نندوک اِنت ایف سی ءَ کینٹین ءَ چہ ءُ سَے کس واشک ءِ شھر ءَ دزگیر کنگ بیتگ اَنت ءُ اشانی تہ ءَ دو کس ناکوزتک اَنت-
بیگواہ کنگ بیتگیں ورنایانی پجار بلال ء عنایت اللہ، جھانزیب ء موسا، دیدک ء عطا اللہ ءُ عبید ء وزیر ءِ ناماں زانگ بیتگ اَنت-
دمگی مردمانی رد ءَ بلال ھمے سال ءِ یکم جنوری ءَ ایف سی ءَ کینٹین ءَ آوار جتگ ءُ انگت ءَ بیگواہ اِنت-
اشاں ابید واشک ءِ شھر ءَ ھپت جنوری ءَ پوج ءَ سَے دگی ورنا گپتگ ءُ بیگواہ کتگ اَنت-
بیگواہ کنگ بیتگیں بلال، عبید ءُ دیدک نودربر اَنت ءُ عنایت درزی یے –