کھاد ءِ نہ بوگ ءَ نیشنل پاٹی ءَ دھکانکارانی ھواری ءَ زھرشانی کتگ

ٍڈیرہ اللہ یار ءَ کھاد ءِ نہ بوگ ءِ ھلاپ ءَ نیشنل پاٹی ءَ دھکانکارانی ھمراھی ءَ زھرشانی، زھرشانی کنوکاں مزن شھدگ بند کنان ءَ روانی مھتل کتگ اَنت –

ھالانی رد ءَ آدینگ ءِ روچ ءَ نیشنل پاٹی ءَ ڈیرہ اللہ یار ءَ دمگی دھکانکارانی ھمراھی ءَ کھاد ءِ نہ بوگ ءِ ھلاپ ءَ یک روانکے کش اِتگ ءُ نیشنل پاٹی ءِ رھشوناں ھوار باسک ھوار بیتگ اَنت زھرشانی سھبت پور چوک ءِ نزیک ءَ مزن شھدگ ءَ نندانک ءَ نشتگ اَنت –

زھرشانی کنوکانی گوشگ اَت کھاد ڈیلرزانی وت مانی ءُ گیش نپ گرگ ءِ پژدر ءَ کھاد ءِ نہ بوگ ودی کتگ ھزارانی زمیندارانی واستا کھاد ءِ واستا پریشانی اِنت آیانی کشاراں تاوان بیگ ءَ اَنت-

زھرشانی کنوکاں زنگ جتگ مھکمہ زراعت کھاد ءِ ناپیدی ءَ ھلاس بہ کنت ءُ بلیک مارکیٹنگ ءِ دارگ ءِ واستا بے سوب بیتگ ڈیلرز دپ لوٹیں نھاداں گرگ ءَ اَنت دھکانکار باز زر دیگ ءَ ابید کھاد ءَ زبھر اَنت-

زھرشانی ءِ سبب ءَ انتزامیہ ءَ دمگ ءَ کھاد ءِ پنچ دکان اش بند کتگ اَنت کھاد ڈیلرز ءِ زنگ جتگ کھاد کمپنیاں گیشیں سپلائی دیگ ءَ نہ اِنت زمہ دار مارا کنگ ءَ اَنت انتزامیہ ءَ بیھار داتگ کہ کھاد ڈیلرزاں نہ بوگ ءُ بلیک مارکیٹنگ ھلاس نہ بیت اِنت گڑا ڈیلرزانی لائسنس پچگرگ بنت-

ھمے وڑ ءَ کھاد ءِ نہ بوگ ءِ ھلاپ ءَ آل پارٹیز لسبیلہ ءُ ھب ءَ شال ءُ کراچی ءِ مزن شھدگ ءَ نندانک ءَ نشتگ اَنت ءُ ھب ءِ انتزامیہ زھرشانی نندانک ءَ جاڑیگ اَنت ءُ زھرشانی کنوکاں گپ ءُ تران برجاہ اَنت –