بلوچستان کانسٹیبلیری (بی سی) بلوچستان ءِ دمگ لسبیلہ ءَ سیادی داروکیں کارندھانی کھولاں آل پارٹیز ءَ ھب ءِ نزیک ءَ شال ءُ کراچی ءِ مزن شھدگ زھرشانی کنان ءَ بند کتگ، نندانک ءِ سبب ءَ شال کراچی ءَ رؤکیں شھدگ بند بیتگ –
بلوچستان کانسٹیبلری ءِ ڈیوٹی دیوکیں کارندھانی کھولانی رد ءَ بازیں سالاں پیسر (بی سی) ءِ ملازم کنوکیں آیانی سیاداں دور ڈیوٹی ءِ واستا دارگ بیتگ اَنت –
زھرشانی کنوکانی رد ءَ اے وھداں بمب تراکانی ءُ سلاہ بندانی کاروائیاں بازیں کارندہ وتی لوگاں چہ گستا بیگ ءَ زندگی ءَ چہ سستگ اَنت، زھرشانی کنوکانی رد ءَ مئے لوٹ اِنت بلوچستان کانسٹیبلری ءِ دارگ ءَ دمگی کارندھاں دمگ ءَ ڈیوٹی ءَ بہ دار ایت-
زھرشانی کنوکانی رد ءَ لسبیلہ ءَ چہ جان کمال ءِ سر وزیر بیگ ءَ پد کھول سدکی دیگ بیتگ اَنت لسبیلہ ءَ سیادی داروکیں کانسٹیبلری ءِ کارندھاں دمگ ءَ دار ایت بلے داں انگت ءَ دارگ نہ بیتگ اَنت –
نندانک ءَ جاڑیگیں ڈان نیوز ءِ دمگی اھوالکار اسماعیل ءِ گوشگ اَت زھرشانی کنوک گوستگیں یکم جنوری ءَ کھول ءَ بنجل جتگ ءُ نشتگ بیتگ اَنت، زھرشانی ءَ کانسٹیبلری ءِ کارندھانی کھولاں ھوار دمگی زمیندار ھم جاڑیگ اَنت سمات ءَ ھوار آپ ءِ نہ بوگ ءِ سبب ءَ دگ اش بند کتگ –
اھوالکار ءِ رد ءَ زھرشانی ءَ (بی سی) ءِ کارندھانی کھولانی ھمراھی ءَ آپ پارٹیز ءِ باسک ءُ رھشون ھم ھوار اَنت بلے انتزامیہ ءِ نیمگ ءَ گپ ءُ تران کس نیتکگ –
زھرشانی کنوکاں لوٹ کتگ کہ بلوچستان کانسٹیبلری ءِ کارندھاں ڈیوٹی ءَ ھوار ھوار لسبیلہ ءِ دھکانکارانی جیڑھانی المی ءَ گیش ءُ گیوار ءَ بہ کن اَنت اگاں ناں گڑا آل پارٹیز وتی زھرشانی ءَ گیش ترند تر کنت-