بلوچستان ءِ دمگ آواران ءَ پاکستانی پوج ءَ کماشیں مردے زورانسری آوار جتگ ءُ بیگواہ کتگ -.
زورانسری آوار جنگ بوتگیں ھپتاد سالی کماش ءِ پجار واجہ ابراھیم ء گلام محمد جاھمنند پیراندر آواران ءِ نام ءَ چہ بوتگ –
بلوچ نیشنل مومنٹ ءِ بنجاھی انفارمیشن سیکرٹری دلمراد بلوچ ءَ کماش ءِ زورانسری آوار جنی ءِ ھبر راست کُتگ گوشتگ کہ دو ھپتگ ءَ پیسر پاکستانی پوج ءَ کماش وتی بنجل ءَ لوتارینتگ ءُ ھمود ءَ چہ زورانسری آوار جتگ ءُ بیگواہ کتگ –
زانگ بہ بیت بلوچستان ءَ مروچی زورانسری آوار جنی ءِ اے ھپتمی کیس انت کہ رپورٹ بوتگ اشی ءَ پیش پنجگور ءُ کیچ ءَ ھم ھپت مردم ءِ زورانسری آوار جنی ءَ ھال اتکگ –