مشکے ءَ پوجی پانگس ءِ سر ءَ بوتگیں اُرش ءِ زمّہ واری ءَ منّ ایں – بی ایل ایف

بلوچ آجوئی لوٹوکیں سلاہ بندیں گل بلوچستان لبریشن فرنٹ ءِ جارکش میجر گوھرام بلوچ ءَ رسانکدراں وتی شنگ کرتگیں درشان ءِ تہ ءَ مشکے ءَ پوجی پانگس ءِ سر ءَ بوتگیں اُرش ءِ زمّہ واری منّ اِتگ ءُ گوشتگ کہ مئے سرمچاراں گوستگیں روچ ءَ پاکستانی پوج ءِ سر ءَ اُرش کتگ –

جارکش ءَ گوشتگ کہ مئے سرمچاراں گوستگیں روچ ءِ بیگاہ ءِ نوکجو ریندک ءَ برجاھیں پاکستانی پوج ءِ پانگس دو نیمگان چہ انگیر ءَ کتگ راکٹ ءُ دگہ مزنیں سلاھاں گوں آئی ءِ سر ءَ اُرش کُتگ – اُرش ءَ چہ پوجی پانگس ءَ سک باز تاوان رس اتگ ءُ آئی ءِ تہ ءَ ساڑی ئیں درسیں پوجی مرتگ ءُ زدگ بوتگ انت –

میجر گوھرام بلوچ ءَ درشان ءِ گڈسر ءَ گوشتگ کہ بلوچستان ءِ آجوئی تاں مئے اُرش برجاہ مان انت –