ھزدار ءِ دمگ چہ زھری ءَ سیادی داروکیں چاگردی باسک عرفان زھری ءَ قادر کنول زورانسری آوار جنی ءُ بیگواہ کنگ پد انگت یل کنگ نہ بوتگ اَنت –
ھردو ورناہ گوستگیں سال ءِ ستمبر ماہ ءَ پوج ءَ چہ شال ءَ زورانسری آوار جتگ ءُ گوں وت بُرتگ انت –
ھردو ورنایانی کھولاں پد ءَ رند ءَ رسانکدراں ھم گوشتگ کہ سیکورٹی پوج ءَ آ زورانسری آوار جتگ بیگواہ کتگ انت کہ انگت زاھر کنگ نہ بوتگ انت –
قادر کنول ءِ زھگ سلمہ کنول ءَ گوستگیں روچ ءَ چاگردی ترامجاھاں وتی پت ءِ اکس ایرکُتگ جُست کتگ کہ آئی ءِ پت کجا انت ءُ آ کجام جُرم ءَ بیگواہ کنگ بوتگ؟
سلمہ ءِ رِد ءَ آئی ءِ پت زھری ءَ وانگجاہ ءِ ماسٹرے ءُ دگہ وھداں چاگردی کاراں مردمانی کمک کرتگ – سلمہ ءَ چہ سرکار ءُ ادارھاں وتی پت ءِ یل کنگے لوٹ کتگ –
عرفان زھری ءُ قادر کنول زھری آنلائن ٹیم ءِ نام ءَ چاگردی ادارہ ءِ چلائینگ ءَ بوتگ انت بلوچستان ءِ دگہ سیاسی ءُ چاگردی گلاں بلوچستان ءِ سرکار ءَ ھردوکانی یل کنائینگ ءِ لوٹ کتگ –