زیارت: چہ چات ءَ کوھنیں جونے دزکپتگ

دی بلوچستان پوسٹ پتر ھال ءَ سر بیتگیں ھالانی رد ءَ بلوچستان ءِ دمگ زیارت ءَ چہ چاتے ءَ یک کوھنیں لاشے دزکپتگ –

دمگداراں زیارت ءَ یک چاتے ءَ لاشے ءِ دزکپتگ ءِ ھال ءِ سر بیگ ءَ چریشی ءَ پد دمگداراں لاش ڈی ایچ کیو ھسپتال ءَ سر کرتگ –

دمگدار ءِ رد ءَ چات ءَ لاش ءِ ھال مزدوراں داتگ کہ اود ءَ چات ءَ کار بیگ ءَ بیتگ-

زانگ بہ بیت اے دمگاں دزکپتگیں لاشانی تہ ءَ ششمی لاش اِنت اشی ءَ پیسر پشین ءُ ژوب ءِ دمگاں پنچ لاش دزکپتگ اَنت-

گوستگیں روچ ءَ پشین ءِ دمگداراں یک چاتے ءَ ساداں بستگیں لاشے دزکپتگ ءُ شال ءَ سر کرتگ اَت لھتے روچ پیسر ژوب ءَ یک چِلے ءِ تہ ءَ چار لاش دزکپتگ اَنت –

بلوچستان ءِ بازیں جاھاں لاشانی دزکپگ ءِ درچ یکشل ءَ برجاہ اَنت کہ اے لاشانی گیشتر پجار نہ بنت گوست ءَ بازیں لاشانی پجار بیگواھیں مردمانی ئیگ بیتگ اَنت-