لوگ واجہ زاھر کنگ بہ بیت ءُ آئی ءِ گوم ءَ ھک کنگ بہ بیت – نرگس بلوچ

شال ءَ زورانسری آوار جنگ بوتگیں فیاض علی سرپرہ ءِ لوگ بانک نرگس بلوچ ءَ گوشتگ کہ منی لوگ واجہ ریاستی پوج ءَ زورانسری آوار جتگ ءُگوں وت برتگ ھمائیں کہ آئی ءِ درگت ءَ ھچ وڑیں ھال اھوال نیست –

فیاض علی ءِ لوگبانک نرگس بلوچ ءِ گوشگ انت کہ لوگواجہ ءِ زورانسری آوار جنی ءُ بیگواھی ءَ آئی ءِ زند ازاب ءِ تہ ءَ گوزگ ءَ اِنت آئی ءِ لوگواجہدیم ءَ آرگ بہ بیت ءُ آئی ءَ ھک دئیگ بہ بیت – 

کھول ءِ رِد ءَ گوستگیں سال ءِ سِی ءُ یک اگست ءِ شپ ءَ پاکستانی پوج ءَ شال ءَ گِسانی سر ءَ بیڑ برتگ ءُ فیاض علی بلوچ ء حاجی محمد اعظمسرپرہ جاھمنند جیل دگ ہدہ ءُ جاوید شمس ء شمس الحق سرپرہ جاھمنند کیچی بیگ زورانسری آوار جتگ ءُ بیگواہ کتگ انت – 

نرگس بلوچ ءَ چاگردی ترامجاہ ٹویٹر ءَ وتی ٹویٹ ءِ تہ ءَ نبشتگ نوکیں سال ءِ بندات ءَ گوں ھمے امیت ءَ کنیں سیاسی ءُ انسانی ھکانی باسک منیلوگواجہ ءِ یل کنائینگ ءَ منی توار جوڑ بنت – 

نرگس بلوچ ءَ سیاسی ءُ انسانی ھکانی گلاں ھوار پرگینگی سرکار ءَ چہ لوٹ کتگ کہ آئی ءِ لوگواجہ ءِ یل کنائینگ ءُ آئی ھک دئیگ ءَ کمک بہ کنانت –