ڈیرہ اسماعیل خان: پاکستانی پوج ءِ گاڑی ءِ سر ءَ تراک، ٹی ٹی پی ءَ زمہ واری منّ اِتگ

اُستان خیبرپکتونواہ ءِ دمگ ڈیرہ اسماعیل خان ءِ ھند کلاچی ءَ روڑی ءَ سیکورٹی پورس ءِ گاڑی ءِ نزیک ءَ تراکے بیتگ، یک کارندھے بیران ءُ سَے زدگ بیتگ اَنت –

ڈیرہ اسماعیل خان ءِ دمگ کلاچی ءِ ھند روڑء جھانگیر آباد ءَ پوجی گاڑی بمب تراکے ءِ نشانگ کنگ بیتگ، تراک ءَ سپاھی الیاس ھما جاہ ءَ بیران ءُ سَے کارندی سپاھی عزیز، سپاھی پیر مھمد ءُ سوبیدار فیاض زدگ بیتگ اَنت –

تراک ءَ پف زدگ بیتگیں مردم دمگ ءِ ھیڈکوارٹر ھسپتال کلاچی ءَ برگ بیتگ اَنت –

وئیل ءَ پد سیکورٹی پورس ءَ دمگ انگیر ءَ زرتگ ءُ پَٹ ءُ پول بندات کتگ –

دومی نیمگ ءَ تحریک تالبان پاکستان ءَ اے وئیل ءِ زمہ واری منّ اِتگ ءُ گوشتگ کہ مروچی یکشمبے ءِ روچ ءَ سھب ءِ ساھت نُھ ءَ ڈیرہ اسماعیل خان ءِ ھند کلاچء روڑی ءَ پوج ءِ یک گاڑی ءِ نشانگ کرتگ چریشی ءَ یک پوجہ کارندھے بیران ءُ سَے زدگ بیتگ اَنت –