کیچ: پوج ءِ دست ءَ یک مردمے دزگیر کنگ ءَ پد بیگواہ

بلوچستان ءِ دمگ چہ کیچ ءَ پاکستانی پوج ءَ یک مردمے دزگیر کنگ ءَ پد بیگواہ کرتگ –

ھالانی رد ءَ گوستگیں شپ ءَ پاکستانی پوج ءَ تمپ ءِ دمگ سرنکن ءَ یک لوگے ءَ بیڑ برتگ ءُ اود ءَ یک مردمے دزگیر کنگ ءَ پد بیگواہ کرتگ –

کھول ءَ اے ھال راست کرتگ ءُ گوشتگ کہ گوستگیں شپ ءِ ساھت سَے ءَ پاکستانی پوج ءَ لوگ ءِ سر ءَ بیڑ برتگ ءُ لطیف ء مھمد آوار جتگ ءُ برتگ –

زانگ بہ بیت اے گرگ بیتگیں مردم ءَ سیادی داروکیں چار مردم بشام ء غلام مھمد، ساری ء ابراھیم، شیراز ء اسماعیل ءُ حکیم ء غلام مھمد بیست ءُ سَے رمس ءَ دزگیر کنگ ءَ پد بیگواہ کرتگ اَنت انگت ءَ بیگواہ اَنت –

ساری بلوچ بلوچستان یونیورسٹی ءِ فزکس 4th ائیر ءِ نودربرے کہ بلوچستان یونیورسٹی ءَ موکلانی وھد ءَ وتی لوگ ءَ اتکگ بیتگ ءُ پاکستانی پوج ءَ دزگیر کرتگ ءُ برتگ –