بلوچ آجوئی سنگر براس ءِنام ءَ
شائر: شاکر مراد
دی بلوچستان پوسٹ
جمبوریں دردے آسءَ بِل
وتن جنگائیں بْراسءَ بِل
پہ توکل جنزگائیں بس
پہ سنگر کنزگائیں بس
تو کمے راہ شناسءَ بِل
وتن جنگائیں بْراسءَ بِل
اے شھیدانی مئے ارمان انت
اے یکجاہی مئے ایمان اِنت
نی کوھنیں وسواس ءَ بِل
وتن جنگائیں بْراس ءَ بِل
پہ راج ءَ ھورءُ یکجاہ اِنت
پہ سِتکءُدل ما ھمراہ اِنت
گمانی تہلیں تاس ءَ بِل
وتن جنگائیں بْراس ءَ بِل
مدام دیمپانیں جنگانی
تلاھیں بچ پہ ارمانی
کپوکیں وھدءِواس ءَ بِل
وتن جنگائیں بْراس ءَ بِل