کیچ عبدوئی ءَ پاکستانی پوج پوسٹ ءِ سر ءَ اُرش کتگ ءُ پوسٹ دستیگ کتگ یازدہ کارندہ کشتگ مال مڈی گوں وت برتگ اَنت- بلوچ خان
بلوچ آجوئی لوٹوکیں سلاہ بندیں گلانی یکجاھیں گل بلوچ راجی آجوئی سنگر ( براس) ءِ جارکش بلوچ خان ءَ ناشناسیں ھندے ءَ رسانکدر ءَ شِنگ کتگیں درشان ءِ تہ ءَ گْوشتگ کہ تمپ ءِ دمگ تگران ءَ عبدوئی ءِ نزیک ازغندی کور ءَ براس سرمچاراں اُرش کنگ ءَ پاکستانی پوج ءِ پوسٹ دستیگ کتگ ءُ دُشمنیں کارندہ کشتگ اَنت ءُ پوسٹ ءَ ساڑی ئیں سلاہ ءُ گولہ دستیگ کتگ اَنت-
جارکش بلوچ خان ءَ گْوشتگ کہ پنچ شمبے ءِ بیگاہ ءَ بلوچ راجی آجوئی سنگر ءِ سرمچاراں گوں شوربندی ءِ رِد ءَ پاکستانی پوج ءِ یک چیک پوسٹے چاریں نیمگاں اُرش کتگ ، اُرش ءَ پوج ءِ یازدہ کارندہ مرتگ اَنت ءُ بازین ئِے ٹپی بوتگ وھدے کہ بے دلیں دشمن ءِ بازیں کارندھے ءَ وتی چوکی ءُ ھمراہ یل داتگ ءُ تتکگ اَنت- براس ءِ سرمچاراں دُشمنیں پوج ءِ پوسٹ سرجمی ءَ وتی دستیگ کنگ ءَ پد اود ءَ ساڑی ئیں پوجی مال ءُ مڈی دستگپتگ ءُ گوں وت برتگ اَنت-
جارکش ءَ گْوشتگ کہ بلوچ سرمچارانی دست ءَ جنگ ءِ پڑ ءَ دشمنیں پوج ھر وھد ءَ پروش ورگ ءُ تچگ آئی ءِ کار اِنت پروش وارتگیں پوج ءِ تربیت ءُ دلیری بس بے میاریں شھریانی نشانگ کنگ ءُ چوکی جوڑ کنگ ءُ زر گرگ ءَ مھدود اِنت- بلوچ راجی آجوئی سنگر اے اِھد کنت کہ بلوچ مھلوک ءُ بلوچستان ءِ سرجمی آجوئی تاں دُشمنیں پوج ءِ سر ءَ مئے اے وڑیں اُرش گوں ترندی ءَ برجاہ بنت-