اوگانستان: طالبان ءِ رھشون ءِ سر ءَ ڈرون اُرش

اوگانستان ءَ ناگتی طالبان ءِ رھشون ءِ سر ءَ ڈرون اُرش ءِ ھال اِنت بلے اُرش ءَ جانی تاوانانی ھال تنی وھدی دیم ءَ نیتکگ اَنت-

چہ کابل ءَ دی بلوچستان پوسٹ ءِ اھوالکار ءِ رد ءَ اُرش ءِ نشانگ ءَ تحریک طالبان پاکستان ءِ رھشون مولوی فقیر مھمد بیتگ بلے اے اُرش اوگانستان ءِ اُستان کنڑ ءَ کنگ بیتگ –

ملا فقیر مھمد اشرف غنی ءِ دور ءِ سرکار ءَ بگرام ءِ جیل ءَ بند بیتگ ءُ کابل ءَ طالبان ءِ گرگ ءَ پد طالبان ءَ یلو کرتگ –

ملا فقیر مھمد ءِ سیادی تحریک طالبان پاکستان ءِ سروک بیت اللہ معسود ءِ نزیکیں مردماں چہ یکے بیتگ ءُ ٹی ٹی پی ءِ بنکی مردماں چہ یکے –

زانگ بہ بیت چریشی ءَ پیسر طالبان ءِ سرکار ءِ وھد ءَ اے اولی ڈرون اُرش اِنت کہ چریشی ءَ طالبان ءِ رھشون نشانگ ءَ بیتگ –

دمگی مردمانی رد ءَ مروچی بیگاہ ءَ بیتگیں اے اُرش ءَ ڈرون یک لوگ ءُ آئی ءِ مھمانجاہ ءَ کپتگ-

دمگی مردماں گیشتر گشتگ کہ چریشی ءَ پیسر ٹی ٹی پی ءِ ڈیورنڈلائن ءِ سر ءَ کار کنوکیں پوجی کارندھانی سر ءَ ھم نشانگی بیتگ چریشی ءَ چار کارندہ بیران بیتگ اَنت –

زانگ بہ بیت پاکستانی واکداراں تحریک طالبان پاکستان ءَ چہ یک ماھے ءَ جنگ بندی ءِ کنگ ءَ پد ٹی ٹی پی ءِ زیردستیں دمگاں یک رندے پد ءَ اُرش بناہ بیتگ اَنت –