پشتونیں ورنایاں گوں دزبندی اِنت کہ آ بلوچ دمگاں جنگ ءِ واستا مہ رو اَنت – منظور پشتین

بلوچستان ءِ بنجاھی شھر شال ءَ یکشمبے ءِ روچ ءَ پشتون تھپزمومنٹ ءِ چیردستی ءَ پشتون رھشسن علی وزیر ءُ دگہ گیر کانودی ءَ دزگیر کنگ بیتگیں رھشونانی دزگیری ءِ ھلاہ ءَ مُچی بیتگ –

مُچی ءَ پشتون تھپزمومنٹ ءِ سروک منظور پشتین ءَ ھوار دگہ پشتون راجپرستانی پاٹی، بیگواھیں بلوچ نودربر رھشون زاکر مجید ءِ مات ءُ بلوچ سیاسی باسکاں بازیں کچے ءَ بھر زرتگ-

مُچی ءَ تران کنان ءَ منظور پشتین ءَ گوشتگ کہ مروچی پشتون وتی راجی پھریزگ ءِ جد ءُ جھد ءَ کنگ ءَ اَنت –

آئی ءَ گُشتگ علی وزیر، حنیف پشتون، اویس ابدال، ادریس خٹک یا آ دگہ رھشونانی میار ھمیش اِنت آ پُر ایمنیں پشتون اَنت اگاں آ اود ءَ نہ بیتگ اَنت گڑا اے رویش دارگ نہ بیتگ اَت-

آئی ءَ گُشتگ کہ ھما توپک ترگ ءَ اِنت آئی ءِ گون ءَ شمئے مھر اِنت اشی ءِ سرپدی بیتگ، ما اشی ءَ منّیں اے شمئے تہ ءَ یک چیرے چیزے بلے مروچی شمئے دراھیں گپ پدر بیتگ اَنت – اے چیک پوسٹ والا بس ءُ گاڑیاں دار اَنت ءُ آیاں چیک کن اَنت مارا سرپدی ھست ھرچی چارگ لوٹ ایت بس ایوک ءَ پشتون راج ءَ کمشرپ کنگ ءَ ابید دگہ چیزے ھست گڑا مارا بہ گوش اَنت آ وتی جائزیں ھکانی واستا جد ءُ جھد کنگ ءَ اَنت، ھما کہ پشتون ڈیھ ءِ ازت ءُ زندگی ءِ واستا جد ءُ جھد ءُ راجی یکجاھی ءِ جد ءُ جھد ءَ کنگ ءَ اَنت شما اشاں ناجائز ءُ گیر کانونی گوش ایت وھدیکہ دومیانی گون ءَ مسام ءُ آیاں یل کن اِت آیاں شما منگ ءَ اِت – اے ریاست اجب اِنت وتی ھکانی واستا توار برز کنوکاں زنداناں بندیگ اَنت ءُ آیاں وتی آئین ءِ دشمن چُشکہ اے امل ءَ ناجائز گوشگ ءَ اَنت مارا بہ گوش اِت کہ جائز ءُ ناجائز کجام اِنت؟

آئی ءَ گُشتگ کہ ھمیش اِنت مئے ءُ آئی ءِ میان ءَ دگری کہ ما ھک ءِ گپ ءَ جن ایں آ ھک ءِ گپ ءَ بَھ ءُ بکڑ بیت اِنت –

منظور پشتین ءَ گوشتگ کہ پشتون راج ءِ جیڑہ باز اَنت اے راج شال ءُ آئی ءِ نزیک ءَ ڈی ایچ اے ءِ نام ءَ استھسال ءِ آماچ اَنت، ھرنائی ءُ شاھرگ ءَ وتی مڈیانی گواچن ءَ آیانی واستا جنجال ءُ مُشکل کنگ ءَ اَنت -آیاں بزگ کنگ ءَ اَنت – اے راج گوریچانی پشتونیں ورنایاں گوں دزبندی اِنت کہ آ بلوچ دمگاں جنگ ءِ واستا مہ رو اَنت – منظور پشتین ءَ لاشاں چِست کنگ ءَ اَنت، اے راج باجوڑ ءَ ھمک لوگ ءَ آیاں لاش دزکپگ ءَ اَنت، اے راج کہ مالاکنڈ ءَ نشہ ءِ ھلاپ ءَ توار چِست کرت نہ کن اَنت اے راج لاھور ءَ وتی دکانانی چیر ءُ چیر تر اِتگ اَنت اے راج کراچی ءَ کسٹم ءِ دستاں زلیل بیگ ءَ اَنت –

آئی ءَ گُشتگ کہ ما اے زلم ءِ بستار ءَ زانت کن ایں، اے زُلم ءِ بستار ءَ ھما کس زانت کہ آئی ءِ سر ءَ اے زُلم گوزگ ءَ اَنت، راستی ءَ گوش آں کہ اے زُلمانی بیان کنگ گپ ءُ در اِنت ھزارانی کچ ءَ پشتون ورنا زورنسری بیگواھی ءِ آماچ اَنت، لکانی ھساب ءَ مردم جنگ بیتگ اَنت، مڈیانی سر ءَ زورگری بیتگ، کار ءُ بار ءَ بندش، چمن ءَ بہ گر تورم ءَ دُزانی راج اِنت – اے جیڑھاں آ آمیدگس کہ وت ءَ آزاد گوش اَنت اگاں اد ءَ ادارہ آزاد بیتیاں گڑا مارا انساپ اش داتگ اَت، اگاں اے آزاد بیتیاں گڑا پشتوانانی کیساں دلچسپی اش داتگ اِت ءُ اگاں شما مردماں نزیکی ءَ چار اِتگ اَت اگاں زورامندی ءِ گپ ءَ جت نہ کن ئے گڑا دومی ادارھانی وڑ ءَ شما ھم زمہ وار اِت –

آئی ءَ گُشتگ کہ ھما میڈیا کہ ھر ءُ کُچکانی گپاں شنگ کنت بلے پشتون ءُ بلوچ ءُ ھزارھانی وھد ءِ سر ءَ بے تواری ءَ وتی المی پرز سرپد بنت – اشی ءَ گوشگ ءَ آں ھما کہ پھر ءِ توار ءَ برز کنگ ءَ اِنت ھما زھر چِست بیگ ءَ اِنت اشی ءَ ھم شمارا ھم وتی بھر رس ایت –

آئی ءَ گُشتگ کہ آصف گپور ءَ گوشتگ کہ مئے وھد ھلاس بیتگ بلے ما ترا گوش ایں وھد کئی ھلاس بیتگ مئے یا شمئے – اے راج اے زمین ھزاراں سالاں راجدپتر ءِ واھند اِنت، اشی ءَ چنگیز خان ءَ بہ گر داں فرھنگیاں ھم وتی زور جتگ بلے آ ھُشکیں دستاں شتگ اَنت بلے اے راج ءِ وھد ءَ کس ھلاس کُت نہ کنت –

آئی ءَ گُشتگ کہ اے ڈیھ ءِ سر وزیر ءُ دگہ ھواریانی جاہ ءَ پشتوناں دگہ راجاں ھوار کنگ ءِ کسہ ءَ جوڑینگ ءَ اَنت –

آئی ءَ گُشتگ کہ وھدیکہ پی ٹی ایم توان بیتگ گڑا مئے زمہ واری بیت اِنت ما سرجمیں راج یکجاہ کنگ ءَ نا ایوک ءَ جد ءُ جھد بہ کن ایں بلکیں من بہ باں یا مہ باں ھمک آپت ءُ اسرمندیں پشتوناں مھر بہ کن آں آیانی کمک کنگ یکیں پتر ءَ یکجاہ کنگ، پی ٹی ایم ھمے مول ءُ مراد ءِ وجود ءَ اتکگ بس ایوک ءَ چار مردمانی یکجاہ کنگ ءَ مئے مول براتی ءِ سیادی ءَ گیش کنگ اِنت ما ھمک اسرمند ءُ گیشتر پشتوناں لوگاں سر بہ کن ایں ءُ اے راج ءَ یکجاھیں پترے ءَ گھگیری ءِ سکین ءَ بہ دے ایں – ما کسے ءَ دگہ کسے ءَ ھمسنت کت نہ کن ایں ءُ مئے یکجاھی ھمیش اِنت ما یک راجے جوڑ بہ ایں –

ما اے راج ءَ یکجاہ کن ایں ھنچش کہ پیسر ءَ یکجاہ بیتگ ھنچش کہ اے زمین ءِ ھاک ءِ گون ءَ مھر اش بیتگ درستانی لوٹ یک بیتگ اَنت آ گوست ءِ دوری ھمیش اِنت بلے ما مٹ بیتگ اِنت ما اے سرپد بہ ایں مروچی ھم وتی پشتون وطن ءَ مارا رد گوشوک ھست اَنت بلے راستی ءَ آیانی ھک ءَ نہ اِنت پشتونانی یکجاھی ءِ گٹگیری ءَ اَنت ما راجی یکجاھی ءِ جد ءَ جھد ءَ اِنت چریشی ءَ مئے پجار – ءُ اشی ءِ واستا مارا اے اژدری اِنت کہ ما وتی رویشانی تہ ءَ بدلی بیاریں وتی کماش، زالبول ءُ دراھءں مردمانی شرپ ءَ بہ کن ایں اے رویش ءِ ھمراھی ءَ مارا دیم ءَ روگی اِنت اے مئے سر ءَ پرز اِنت اشی ءِ واستا کس نہ اِت اِنت چُشکہ مارا وتی پرز ءِ سر ءَ زانتکاری بیگ لوٹ ایت ھما وھد ءَ دگری کیت کہ وھدیکہ ما سوبمند بہ ایں –

آئی ءَ گوشتگ کہ بلوچ دمگاں گیشتر پشتون ورنایاں جنگ ءِ واستا دیم اش دے آں – بلوچانی گون ءَ مئے براتی ءِ سیادی ھست اِنت ھچ رنگیں دشمنی نیست اِنت ھما راج کہ اے دمگاں دشمنی کنگ لوٹ ایت وت بہ کن اَنت ما وتی ورنایاں گوں دزبندی کن ایں آ اود ءَ مہ رو اَنت –