روکپتی بلوچستان: گاڑیانی واھنداں تیل ءِ نہ پُجگ ءِ ھلاپ ءَ زھرشانی

روکپتی بلوچستان ءِ دمگ سرباز ءَ گاڑیانی واھنداں تیل ءِ نہ پُجگ ءِ ھلاپ ءَ زھرشانی کرتگ، زھرشانی کنوکاں فرمانبردار شھررستان سرباز ءِ کارگس ءِ دیم ءَ زھرشانی کرتگ –

زھرشانی کنوکاں تران کنان ءَ گوشتگ کہ مئے گاڑیاں فلاک مِلی ھم ھست اَنت آ رجسٹر بیتگیناں اشاں ابید فرمانبردار سوخت بزانکہ تیل ءِ گر ءُ دار کنوک مئے گاڑیاں کم تیل دیگ وتی جاہ ءَ ھچ دیگ ءَ نہ اِنت-

گاڑیانی واھندانی گوشگ اِنت کہ دمگ ءِ تیل ءُ گر ءُ دار کنوکیں واکدار اتکگ ءُ مئے گاڑی اش چار اِتگ اَنت آیاں گُشتگ کہ شمئے گاڑی ناکارہ اَنت چریشی ءِ سبب ءَ آیانی فلاک ملی کارمد نہ اِنت-

آیانی گوشگ اِنت اگاں مئے گاڑیاں دگہ گیشیں چیزے ھست یا ھرابی ءِ ھست گڑا باید فرمانبردار مارا سابت بہ کن اَنت ءُ گوش اَنت گڑا وتی نیزوریاں گریں بلے آ مزنیں منانکانی دیگ ءَ تیار نہ اِنت ءُ نانکہ مئے تیلاناں دیگ ءَ اَنت –

زھرشانی کنوکانی گوشگ اِنت اد ءَ ساھت ھشت ءَ اتکگ اِنت ءُ مارا گوشگ بیتگ کہ بیا اِت فرمانبردار ءِ کارگس ءَ شمئے جیڑہ گشینگ بنت بلے اد ءَ اتکگ اِنت کسے ھم نیست اِنت –

آیاں واکداراں چہ لوٹ کرتگ ءُ گوشتگ کہ مئے گپاں اش بہ کن اَنت ءُ مارا تیل بہ دے اَنت دانکہ ما گزارنے کت بہ کن ایں –