سندھودیش روولیوشنری آرمی ءَ مروچی سھب ءَ لالو رائنگ ءَ پاکستان ءِ ھاکمیں گل پی ٹی آئی ءِ رھشون ءِ کُشگ ءِ زمہ واری من اِتگ۔
سندھودیش روولیوشنری آرمی ءِ جارکش سوڈھو سندھی ءَ رسانکدراں شنگ کُتگیں درشانے ءَ تہ ءَ گُشتگ کہ مروچی سھب ءَ لالو رائنگ (قمبر شھداد کوٹ) ءَ پاکستانی چیریں گلانی ھاسیں مردم پنجابی آباد کار ءُ گوستگیں گچین کاریاں پی ٹی آئی ءِ نیمگ ءَ چہ ایم این اے ءِ ھاتر ءَ نامینگ بیتگیں رانا سخاوت راجپوت ءَ کُشگ ءِ ءُ آئی ءِ برازتک زبیر راجپوت ءَ ٹپی کنگ ءِ زمہ واری ءَ منیں۔
آئی ءَ دیمتر ءَ گُشتگ کہ رانا سخاوت مزنیں مدتے ءَ چہ اے دمگانی تہ ءَ پاکستانی چیریں گلانی نیٹورکانی جُنزینگ ءَ ھاسیں کمک کارے بیتگ۔ آ جسقم ءِ جھدکار شھید وحید لاشاری ءِ چاریگی کنگ ءُ آئی ءَ چیریں گلانی دست ءَ بیگواہ کنائنگ ءَ پد شھید کنگ ءَ ھوار بازیں سندھی راجدوستیں باسکانی لوگانی سر ءَ بیڑ برائینگ، بیگواہ ءُ شھید کنائینگ ءَ ھم ھوار بیتگ۔
جارکش ءَ گُشتگ کہ ایس آر اے سندھ ءَ زور آورتگیں جھمنندیں درستیں دری مردماں ترندی ءَ گوں گُشگ لوٹ ایت کہ آ چہ سندھ ءَ در بیا اَنت۔
جارکش ءَ گُشتگ کہ مروچی شھید وحید لاشاری شھیدی ءِ روچ ءِ درگت ءَ آئی ءَ سلام پیش کن ایں۔
جارکش ءَ گُڈ سر ءَ گُشتگ کہ ایس آر اے سندھ ءِ سرجمیں آجوئی ءَ تاں سلاہ بندیں جھد ءَ برجاہ دارگ ءِ اھد ءَ دوبار نوک کنگ ءَ اِنت۔