گلزمین ءِ رکینگ ءَ – شیر دل بلوچ

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

نبشتانک: گلزمین ءِ رکینگ ءَ

نبشتہ کار : شیردل بلوچ

دی بلوچستان پوسٹ

دیریگیں واھگے بوتگ ند ءَ چست بہ کناں چار گالرد پہ وتی سالونکیں ھمبل ءِ بابت ءَ بہ نبیساں ھرچ وھد من نبیسگ بندات کرتگ گڑا نہ زانتگ چی بہ نبیساں؟ آئی ءِ کارست راجی جھد ءِ پڑ ءَ پچیں وانگی یے دروشم ءَ اَت، یکرندے سرجم ءَ وانگ ءُ دربرگ لوٹ ایت انچو نبیسگ گوں آئی وڑیں درویش سپتیں ءُ ازیمیں جھدکارے ءَ گوں ناانساپی بیت،ھمے میانجی ءَ باز وھد گوستگ، مُدام من ءُ زرد ءِ ناتوامیں واھگ میڑگ ءَ بوتگ ایں، ھو کدی یک کارستے سر ءَ نبیسگ ءَ اے نَگیںگیں جاورانی تہ ءَ ماہ ءُ سال گوزیت، اِشتاپیگیں کار مردمے جند ءَ را ھم دوست نہ بیت۔

ما وانگ ءَ ات ایں مدام مئے راھدربر ءُ زانتکاریں سنگتاں ھمے گوشتگ اَت بوان اِت وانگ ءِ اُمبر ھمیش اِنت رند ءَ زمہ واری گیش ءُ کار باز بنت دل بُلوٹ ایت وانگ ءَ بلے! وھد موہ نہ دنت، ھو مرچی ھما وھد اتکگ سر ءَ چُنت ناتوامیں کار ٹُکّر ٹُکّر اَنت باریں وھد رس ایت پہ سرجم کنگ ءَ اش یا اِناں؟

ھما وھد تئی دست ءَ اِنت تئیگ اِنت رند ءِ شَرت جنگ نہ بیت، مارا وَ انچیں ٹوھیں نادراھی یے گوں پہ زَرّ ءُ درمان ءَ اِلاج نہ بیت، ایوک ءَ ھون لوٹ ایت، بزان “گلامی مُھریں سانکلانی پروش دیگ ءُ آجوئی ءِ گرگ ءِ واست ءَ بے کِساس ھون ریچگی ءُ سر ندّر کنگی انت، بلوچ ماتاں پہ لج ءُ ننگ ءِ پھازگ ءَ ءُ گلزمین ءِ رکینگ ءَ ھزارانی کساس ءَ بچ ودّی کرتگ، راجدپتر ءِ تاکانی تہ ءَ نام اِش ابدمان اَنت، چہ ھمے تَمردیں بچّاں یکے شھید ” ھمار جان پنام سالار بلوچ آریپیں پِت واجہ مھمد” ِاسھاک بلوچ اِنت، جاہ آھو (جھاؤ) کوھڑو ءَ نوزدہ سد ءَ نود ءُ پنچ (1995) ءَ ودّی بوتگ، گس ءِ مردماں پہ دوستی مُدام دوستین ءِ نام ءَ توار کرتگ، دوستین آئی ءِ مات ءِ پیروک بوتگ، آچار برات ءُ دو گُھار بوتگ اَنت ” ھمار جان چارمی چُک بوتگ ، آئی وتی بنداتی وانگ وتی میتگ ءِ مزن وانگجاہ (ھائی اسکول ) کوھڑو ءَ دربُرتگ، ھمے وھد ءَ بلوچ نودربر گل (BSO(AZAD ءِ باسکے بیت، اے ھمے دَور اَت زورگیریں ڈیھ ءَ ھر روچ “BSO -AZAD ءَ ھوار آجوئی لوٹوکیں ھمک گل ءِ باسکانی چست کتگ ءُ بیگواہ کنگ ءَ ھوار ماں کوہ ءُ جنگلاں کُنٹ اش دَور داتگ اَنت، ھمے نَگیگیں جاورانی تہ ءَ آئی دیمتر ءَ ونت نہ کرت “ھمارجان ءَ مُدام بہ دیستں گوں گل ءِ کاراں دست گلائیش اَت، کدی گل ءِ وانگی ئِے گوں ات اَنت، گوں ھمراھاں وانگجاھاں گردگ ءَ اِت اَنت، روچ ءَ وانگی اِش بھر ءُ بانگ کرتگ ءُ شپ ءَ دیوال نبیسی یے کار اِش کرتگ، زوت بی ایس او (آزاد )، ءِ جاہ آھو ءِ بنزہ ءُ ھنکیں ءِ رھشونانی رِد ءَ شمار بوت ، ھروھد ءَ بی ایس او آزاد ءِ بی این ایم ءُ بی این ایپ ءِ زھرشانی ءِ جار ئِے روتاکاں بئیتکیں گڑا الم ءَ سنگتانی رِد ءَ گون اَت ۔

ھما روچ ءَ” گل ءِ باسکے دارگ بوتگ وتی زاتی ءُ گس ءِ کار ئِے یک کش کرت ءُ روچ ءُ شپ وتی تیوگیں وھد پہ” گل ءِ راہ ءَ دات ئِے، اگاں کجا راجی جُنز ءِ کارے بوتگ ، زھرشانی یے ، روانکے، دگ ءُ دَربندیں ھڑتالے گڑا ھمود ءَ ساڑی اَت، آ یک سرجمیں آشوبی ئیں سنگتے اَت بے کِساس مھروان اَت، آشوبی وَ دراہ مھروان بنت، یک یک سنگتے ھست آئی مھر چہ درساں جُتا اَنت۔

” ھمار جان گوں ھماواں شمار بیت، پمیشکا وتی نبشتھے ءِ تہ بُرز ءَ درویش سِپتے گوشتگ اَت، اگاں کسے ءَ آ را دیستگ، گوں آئی ھوار بوتگ، گڑا زانتگ ئِے اے ھبر راستے ” ھمارجان جپا کش ءُ سرجمیں آشوبی جھدکارے اَت ۔

جاہ آھو بالائی دَمگ ءَ بلوچستان نیشنل پارٹی ءِ باسک ءُ سردار “اکتر جان مینگل ءِ دیریگیں ھمراہ میر مولابکش ء رھیم بکش ءِ سروکی ءَ پوج ءِ کمک ءَ کُشندہ ٹولی یے اڑ دیگ بوت ءُ ھند ءِ ناشریں لھتیں “مُلاھاں راج پھازیں سرمچارانی ھلاپ ءَ تُپنگ بڈ ءَ داتگ اش ءُ ایشانی جنگ ءِ ھیل کاری ( ٹرئینگ ) استان ءِ ناشرکاریں پوج ءِ سروکی ءَ ماں پنجاب ءُ کشمیر ءِ دمگ بالاکوٹ ءَ دیگ بوت، مالی کمک ءُ جَنگی ازباب پوج ءَ داتگ اَنت ، دو ھزار چاردہ ءَ پد ایشانی نُنجلے پیلار ءِ گوریچانی نیمگ ءَ بزان پُشتی کوھاں دُمگ ءُ جَکی ءِ کُنڈ ءُ کَشان بوتگ گریشگ ءُ جاہ آھو ءِ کُشندہ ٹولی ءِ ھروھد ءَ پوج ءِ لشکر کشیاں گوں بوتگ کدی کدی وت ھم اتکگ سرمچارانی راہ اِش بستگ ءُ نشتگ اَنت۔

بیست دو سارتان دو ھزار شانزدہ 22/10/16 ءَ چار سرمچار سپرے کا اَنت شپ ءَ ترجھی ءُ کبّڈی ھند ءَ دار اَنت، سھب ءَ پاد اتکگ ءُ وتی سپر ءَ رھادگ بوتگ اَنت، گؑڑا کُشندہ ٹولی ءِ مُلاھانی انگیر کا اَنت میڑ بندات بیت انگیریں سنگتانی کمک ءَ چہ اوتاک ءَ سنگت کاینت، مُلاھانی کمک چہ گریشگ ءَ کُشندہ ٹولی ءِ مردم کاینت دومی نیمگ ءَ پوج کیت رس ایت، لھتیں سنگت میڑ ءِ جاھاں مٹ کنت، پوج ءِ دیم رو اَنت ءُ سنگر گراں جنگ دینت ،مُلاھاں پہ تاچینگ بزان پدکنزگ لاچار کن اَنت، سرمچار “ھمار جان ھمے میڑ ءَ تیر ماں سینگ ءَ وارت ءُ شھید بیت، سنگت “ھمار جان پنام سالار بلوچ ءِ کُنٹ ءَ چست کن اَنت درائی بینٹ ءِ گُڈی واجاہ ءَ زمین ءِ باھوٹ ئِے کن اَنت ءُ دومی نیمگ ءَ مُلاھانی سے کاسگ چٹ مُردار ءُ زدگ بیتگ ۔

شھید”ھمار جان پنام سالارجان ھوار گلزمین ءِ نمیرانیں پُشگاناں سھریں دروت ندر کناں ۔ آجوئی ءِ جنز زندگ بات


دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

نوکتریں

پریمئیر لیگ فٹبال گوازی ٹوٹنھم ءُ مانچسٹر یونائیٹڈ ءَ گوازی کٹ اِتگ اَنت

چارشمبے ءِ روچ ءَ بوتگیں یورپئین پریمئیرلیگ فٹبال گوازی ءَ ٹوٹنھم ءَ لسسٹر سٹی ءِ دیم ءَ سَے پہ دو ءُ...

کولواہ ءَ زورگیریں پوج ءِ کاروان ءِ سر ءَ بوتگیں اُرش ءِ زمّہ واری بی این اے ءَ منّ اِتگ

بلوچ آجوئی لوٹوکیں سلاہ بندیں گل بلوچ نیشنلسٹ آرمی ءِ جارکش مُرید بلوچ ءَ رسانکدراں وتی شنگ کرتگیں درشان ءِ تہ...

بلوچستان شاھدربرجاہ ءَ بیگواھیں نودربرانی یل کنائینگے ھاتر ءَ زھرشانی

بلوچ نودربر آلائنس نیمگ ءَ مروچی بلوچستان ءِ بنجاھی شھر شال ءَ بلوچستان شاھدربرجاہ ءَ چہ زورانسری آوار جنگ بوتگیں نودربر...

سرکار ءَ داتگیں بیگواھیں مردمانی لڑ ءِ تہ ءَ انگت بازیں کساس ءَ مردم بیگواہ انت – نصراللہ بلوچ

بلوچستان ءَ زورانسری آوار جنگ بوتگیں سیاسی باسکانی پانکجنیں گل وائس فار بلوچ مسنگ پرسنز ءِ سرکماش نصراللہ بلوچ ءَ وتی...