بلوچستان:وانگجاھاں نودربرانی آوار جنیانی بگیری ءَ نودربراں زانشجاھاں نہ روگ ءِ جار جتگ

بلوچستان شاھدربر جاہ ءَ نودربرانی زورانسری آوار جنی ءِ درگت ءَ نودربراں جار جتگ گوشتگ کہ بلوچستان ڈیھ ءِ پشکپتگیں اُستان زانگ بیت- سرجمیں اُستان ءَ وانگجاہ کمے کساس ءَ ھست انت کہ سرجمیں بلوچستان ءِ نودربر وتی زانت ءِ تُن ءِ پُروشگ ءَ ھمے ادارھانی نیمگ ءَ کائنت ھمے شاھدربرجاھاں یکے بلوچستان شاھدربر جاہ انت کہ سرجمیں بلوچستان ءِ نودربر پہ وانگ ءں دربرگ ءَ کائنت بلے گوستگیں چیزیں وھد انت کہ بلوچستان شاھدربر جاھے جاور ھال نگیگ انت شاھدبرجاہ ءَ نودبرانی زورانسری آوارجنی ءِ نہ اوشتوکیں درچ ءِ بندات کنگ بوتگ –

نودربراں وتی جار ءِ تہ ءَ گوشتگ کہ شاھدبرجاہ ءِ چاریں نیمگاں سیکورٹی پوج مزنیں کچے ءَ ساڑی انت ءُ سیکیورٹی کیمرہ ھم لگ اتگ انت بلے اشی ءَ ابید شاھدبرجاہ ءِ ھاسٹل ءَ زورانسری آوار جنی بازیں شک ءُ گمان ودی کن انت –

آھانی گوشتگ کہ سیکورٹی ءُ کیمرھاں ابید نودربرانی زورانسری اوار جنی ءُ بیگواھی اے چیز ءَ پدر کنت کہ شاھدربرجاہ ءں پھازدار اے امل ءِ بھر انت –

نودربراں گوشتگ کہ شاھدربرجاہ ءَ نودربرانی زورانسری آوارجنی درچ ھلاس بوگ ءِ نام ءَ نہ زانت گوستگیں ھپتگ ءَ شاھدربرجاھ ءِ ھاسٹل ءَ دو نودربر سھیل بلوچ ءُ فضیح بلوچ زورانسری آوار جنگ ءُ بیگواہ کنگ بوتگ انت کہ انگت بیگواہ انت آھانی ھچ ھال اھوال نیست اے درگت ءَ ما شاھدربر جاھ ءِ پھازدارانی گور ءَ شتگ انت بلے پھازداراں وڑ وڑیں پندل ءُ ھنراں ھچ وڑیں گامگیج نہ زرتگ – شاھدربر جاھ ءِ نودربراں زانت ءَ دیگ ءِ ابید زندانی کنگ پدردی املے –

نودربرانی گوشگ ات کہ شاھدربر جاہ ءَ نودربرانی زورانسری آوار جنی ءَ شاھدربر جاہ ءِ پھازدار وائس چانسلر رجسٹرار ءُ پھازگی افیسر تچکی ءَ ھوار انت – شاھدربرجاہ ءِ پھازدارانی نودربرانی زورانسری ءَ تچکی ءَ ھوار بوگ اے گپ ءَ پدر کنت کہ پھازگی زانت بید نودربرانی آوارجنی ءَ مکن انت – شاھدربر جاہ ءِ پھازدارانی نودربرانی یل کنائینگ ءَ ھچ وڑیں گامگیج نہ زورگ ءُ وڑ وڑیں ھنر ءُ پندل کنگ انت –

آھانی گوشگ ات کہ شاھدربرجاہ ءِ پھازدارانی گیر بے سدی چہ باند ءَ سَے شمبے روچ ءَ بلوچستان شاھدربر جاہ ھر وڑیں سرگرمیانی ھاتر ءَ بند کنگ بیت انت چریشی ءَ شمے پلامرزی المی انت پرچاکہ ھستیں جیڑہ ءَ ھنچیں ھرابیں دروشم ءَ اتکگ چریشی ءَ نودربر مھپوز نہ انت –