برات ءِ زورانسری آوارجنی ءَ مات ءُ پت ازاب ءِ تہ ءَ انت – ظھور احمد بگٹی

ڈیرہ مراد جمالی ءِ جھمنندیں ظھور احمد بگٹی ءِ گوشگ ات کہ منی برات پاکستانی پوج ءَ آوار جتگ ءُ بیگواہ کتگ برات ءِ زورانسری آوارجنی ءَ مات ءُ پتانی زند ازاب ءِ گوزگ ءَ انت –

بیگواھیں مردمانی پانکجنیں گل وائس فار بلوچ مسنگ پرسنز ءِ بنجل ءَ ظھور احمد بگٹی ءَ وتی شنگ کرتگیں تامری درشان ءِ تہ ءَ گوشتگ کہ منی برات لقمان ء شادمان بگٹی سال دوھزار ھژدہ ءَ ربی کینال امیر نواز ایف سی پانگس چھتر ڈیرہ مراد جمالی ءَ زورانسری آوار جنگ ءُ بیگواہ کنگ بوتگ –

آئی ءَ چہ ھکومتی انسانی ھکانی ادارہ پوج ءِ مستراں چہ لوٹ کتگ گوشتگ کہ انسانی ھمدردی ءَ مار ءَ برات ءِ درگت ءَ سرپدی دیگ بہ بیت –

ظھور احمد ءِ گوشگ ات کہ اگان منی برات ءِ سر ءَ الزام ءِ ھست گڈا آمیدگس ءَ آرگ بہ بیت اگاں کتکار انت سزا دیگ بہ بیت تانکہ مات ءُ پت چہ اے ازاب ءَ رکیت بہ کن انت –