ھوشا وئیل ءِ بارو ءَ بلوچستان ھائی کورٹ ءِ بینچ ءَ پیسلہ ءَ گشان ءَ المی ءَ پَٹ ءُ پول کنگ ءِ ھکن داتگ ءُ ڈی سی کیچ حسین جان، اے سی کیچ عقیل کریم،نائب تھسیلدار ھوشاپ رسول جان ءِ درکنگ ءِ ھکم کرتگ-
ھائی کورٹ ءِ وکیل عمران بلوچ ءَ اتکگیں مردمانی ھمراھی ءَ گورنر ھاؤس ءِ دیم ءَ نندانک ءَ نشتگیں کھول ءَ را ھائی کورٹ ءِ پیسلہ ءِ بارو ءَ سرپدی داتگ-
آئی ءَ کھول ءَ گوں گپ کنان ءَ گشتگ کہ ھائی کورٹ ءَ نام گپتیں افیسر سرجمی ءَ درکتگ اَنت ءُ کشگ بیتگیں زھگ شھید گوشگ بیتگ اَنت ءُ زدگ بیتگیں زھگ ءِ استانی سرکار ءَ را ھکم داتگ کہ زھگ ءَ دراھیں ھرچ ءُ درچ بلوچستان ءِ سرکار ءَ دیگی اِنت مروچی لیاقت ھسپتال ءِ اکاونٹ ءَ زدگ بیتگیں ھرچاں روان بہ دنت –
آئی ءَ گشتگ کہ ھائی کورٹ ءَ ھکم داتگ کہ اد ءَ بہ گر داں دمگ ءُ دمگ ءَ اشاں پروٹیکشن دیگ بہ بیت اِنت ءُ اے اشانی زمہ واری اِنت -.
آیاں گشتگ کہ کرائم برانچ ءِ سَے آفیسراں ھواریں یک پَٹ ءُ پولی ٹولی ءِ دارگ بیت اِنت کہ اے وئیل ءِ بارو ءَ پَٹ ءُ پول کنت ءُ کشگ بیتگیں زھگانی پیروک محراب خان ءِ گوشگ ءِ سر ءَ مروچی دگہ یک ایف آئی آر ءِ نبشتگ کنگ بیت اِنت کہ آیان ایف سی ءِ نام داتگ ءُ اے چوکی ءُ ایف سی ءِ نام ءَ ایف آئی آر درج کنگ بیت اِنت کہ ھرکس ءَ نام گپت کت کنت –