بی ایل ایف ءَ ملا الیاس ءُ مقسود ءِ کوش ءِ زمہ واری منّ اِتگ اَنت

بلوچستان لبریشن فرنٹ ءِ جارکش میجر گْوھرام بلوچ ءَ دو ریاستی چاریگانی کُشگ ءِ زمہ واری ءَ من اِتگ ءُ گْوشتگ کہ سیزدہ اکتوبر ءَ مند ءِ دمگاں شند ءُ دریا چمّ ءِ میان ءَ پوج ءِ سر ءَ اُرش ءَ پد زورگریں پوج ءَ اے دمگاں لشکر کشی بندات کتگ-

آئی ءَ گْوشتگ کہ اے لشکر کشی ءَ دمگی ریاستی کارندھانی کُمک ھم گون بوتگ – شانزدہ اکتوبر ءَ ریاستی چیردستی ءَ دو دمگی چاریگ مُلا الیاس ءُ مقصود جنگجاہ ءَ چارگ ءُ گیشیں پٹ ءُ پول ءِ ھاتر ءَ اد ءَ اَتکگ اَنت کہ سرمچارانی یک ٹولی یے آ سلاہ بندی ءَ دیستگ اَنت واتر پوج چوکی ءِ نیمگ ءَ روگ ءَ بوتگ اَنت آ نشانگ کتگ ءُ کشتگ اَنت-

جارکش ءَ دیمتر ءَ گْوشتگ کہ سرمچاراں آیانی دو کلاشنکوف ، موباھل ءُ دگہ ساز ءُ سامان وتی دستیگ کتگ اَنت- اشانی موباھلانی تہ ءَ پوجیانی ءُ یک آئی ایس آئی آفیسرے ءَ نام چہ نکش بوتگ – آئی ءِ کیسگ ءَ یک پوجی آفیسرے ءِ ھتّے مان بوتگ چریشی ءَ سرمچارانی ٹریس کنگ ءُ گندگ ءُ جنگ ءُ ھال دیگ ءِ سرپد کنگ بوتگ- اشانی سبب ءَ مارا دگہ چاریگانی درگت ءَ ھم سرپدی رس اتگ-

جارکش ءَ گْوشتگ ما یکرندے پد ءَ گُڈی بیھار ءَ سرپد کنگ ءَ ایں آ اے بلوچ چُکچینی پوج ءِ ھمکوپگی ءَ یل بہ کن اَنت اگاں ناں گُڑا وتی دراھیں تاوانانی زمہ وار وت بنت- ملا الیاس ءِ درگت ءَ پیسر ءَ ھم ھال رس اتگ بلے آ نو وتی سبوتانی ھمراھی ءَ گوں یک سنگتے ءَ ھوار جنگ بوتگ – پاکستاں اے زوراکی ءَ چہ بلوچ چُکچینی ءَ کنگ ءَ اِنت – اشی ءَ وت ءَ ھوار کنگ جھان ءِ راہ ءُ راھبندانی بگیری اِنت -اے وڑیں پوج ءِ نشانگ کنگ ءُ آئی ھمکاراں سزا دیگ جھان راہ ءُ راھبندانی رِد ءَ شر اِنت-