اوگانستان زرباری شھر کندھار ءَ امام بارگاہ آدینگ ءِ نماز ءِ وھد ءَ بمب تراکے بوتگ چریشی ءِ آسر ءَ بازینے بیران ءُ بازینے ٹپی بوتگ اَنت –
اوگان وزارت داخلہ ءِ جارکش قاری سعید خوستی ءَ گْوشتگ تراک ءِ درگت ءَ گیشیں پُٹ ءُ پولاں یکجاہ کنگ ءَ ایں-
دمگی صوبائی کونسل ءِ یک گوستگیں باسک نعمت اللہ وفا ءَ گْوشتگ کہ مسیت ءَ بوتگیں تراک ءَ مزنیں کچے ءَ جانی تاوان بوتگ تنی وھدے سرجمیں ھال نیست اَنت دمگی مردمانی رِد ءَ اے تراک سی مردم نزیک مردم بیران ءُ ٹپی بوتگ اَنت –
زانگ بہ بیت آدینگ ءَ ھم گوریچان شھر قندوز ءَ یک مسیتے ءَ تراکے بوتگ ءُ چریشی ءِ آسر ءَ بازیں مردمے بیران قندوز ءَ بوتگیں تراک ءِ زمہ واری داعش ءَ زرتگ اَنت-
بلے مروچگیں بوتگیں تراک ءِ زمہ واری انگت کس ءَ نہ زرتگ-