پبلک لائبریری بسیمہ ءِ نیمگ ءَ نیاد، نیاد ءِ سر ھال انیگیں دور ءِ ورنایانی کرد ءُ زمہ واری بیتگ

پبلک لائبریری بسیمہ ءِ چیردستی ءَ یک لیکچر سیشنے برجم دارگ بیتگ کہ آئی ءِ “سرھال انیگیں دور ءِ وریانی زمہ واری ءُ کرد ءِ سر ءَ بیتگ کہ لیکچر سیشن ءَ ڈگری کالج شال ءِ پروفیسر عبید ابدال بلوچ ءُ یونیورسٹی آف تربت پنجگور کیمپس ءِ ایڈمنسٹیٹر ڈاکٹر افتخار بلوچ بیتگ اَنت –

نیاد ءَ عبید ابدال ءَ تران کنان ءَ گُشتگ کہ مروچگیں دور ءِ دور ءِ ورنایانی سر ءَ بازیں زمہ واری کاینت اِنت ئِے کہ چریشی ءِ سر ءَ سرجمیں چاگرد ءِ تہ ءَ بدلی آورت کُت کنت ئِے اے گپ تچک اِنت کہ چاگردی کارانی بدلی آرگ ءَ ورنایانی زانت ءُ زانتااری ءِ سرپدی ءَ بیت اِنت –

آئی ءَ دیمتر ءَ گُشتگ کہ زانتکشیں کتاباں بہ گر ادبی ءُ دگہ جوانیں کتابانی پَٹ ءُ پولانی تہ ءَ دزکپ اَنت کہ اے وھد ءَ مارا سک اژدری اَنت اشاں ابید انیگیں دور ءَ لائبریریانی زلورت بیت اِنت نودربر لائبریانی تالان کنگ مزنیں جھد کنگی اَنت کہ اے ورنایانی زمہ واریانی تہ ءَ یک زمہ واری ءِ بیت اِنت –

لیکچر نیاد ءَ ڈاکٹر افتخار بلوچ ءَ گُشتگ اَت کہ ورنا وتی کرد ءَ پیلو کن اَنر گڑا راج دیمروئی کن اَنت انیگیں دور ءَ ورنایاں گیشتریں چیز وانگ اِنت آیاں ھمے وانگ لوٹ ایت پرچاکہ زمہ واریانی سرپد بیگ ءِ یکیں در وانگ اِنت – وانگ بس ایوک ءَ ڈگری یا نوکری ءِ گرگ ءِ نام نہ اِنت بلکیں وانگ ءِ ریشگ گون زانت ءَ اِنت ورنایاں سرپد بیگی اِنت –

آئی ءَ دیمتر ءَ گپ کنان ءَ گُشتگ کہ ورناہ تھنا وتی اندر ءَ نہ اَنت بلکیں آیانی سر ءَ زمہ واری بنت اِنت دومی ھلکانی مردماں گوں وتی گون ءَ رھوت دارگی اِنت پرچاکہ دانکہ بلوچ ورنایانی میان ءَ یک شریں رھوتے بیت کُت بہ کنت ئِے ءُ جھلانکی ءِ رنگ ءَ وتی کرد ءَ پیلو کُت بہ کن اَنت –

نیاد ءِ دومی بھر نودربر ءُ پروفیسرانی میان ءَ جُست ءُ پسھی ءَ اَت بیتگ کہ اشی ءِ مزنیں جست بیتگ اَنت –

نیاد ءِ گُڈسر ءَ لائبریری ءِ باسکانی نیمگ ءَ پروفیسر عبید ابدال ءُ ڈاکٹر افتخار ءَ را کتاب داد کرتگ ءُ ورنایاں اے مسام کرتگ ءُ دیم ءَ ھم ھمے وڑیں نیاد برجم دارگ بنت ئِے –