منی گار بوگ ءَ ساری- براھیم گُؔل

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

نبشتانک: منی گار بوگ ءَ ساری

نبشتہ کار:براھیم گُؔل

(ششُمی بَھر)

دی بلوچستان پوسٹ

مِھروان !: منی گار بوگ ءَ پَد تو اگاں زُبان ءِ جُھد ءَ دیم ءَ مہ بَر ئے گڑا اے کاروان من ءَ چہ پَد اوشت ءِ آماچ بِہ بیت گڑا تئی راج تھاریں کوٹی ءَ چہ ھِچبر درآتک نہ کنت ،پمشکا ترا داں زند ءِ گُڑّی وھد ءَ جُھد برجم دارگی اِنت،گوں وھد ءِ ھاکماں جنگ برجا دارگی اِنت،تئی زُبان ءِ ھمُک تک ءُ پھنات وتی راج ءَ را پہ مُھکمی شر پدّر کنگی اِنت ءُ آرگ ءُ پیش دارگی اِنت من ءَ چہ پَد ترا تئی بلوچ راج ءِ ھر ھمُک پرزند وتی ماتی زُبان ءَ گوں بندوک کنگی اِنت۔

مِھروان: من نہ لوٹ آں کہ منی راج وتی جِند ءِ زّبان ءَ چہ پراموش بِہ بیت ءُ وتا مہ زانت ، ھما راج کہ آھاں زندگیں زُبان نیست گُڑا ھما راج دگہ زُباناں گوں بندوک بنت ، پہ آ راجاں چُشیں ھبرے نہ اِنت ، پرچا کہ آ پیسرءَ مُرتگیں راج اَنت،پہ آیاناں دَریں زُباناں ھبر کنگ آیان ءَ را پولنگ نہ کنت، مُردُگ مُرتگ ءُ سما نہ کنت گُڑا آئی ءَ چی ھیال کہ جھان ءَ چی بوگ ءَ اِنت-

مِھروان: من ءَ آ روچ اوں انگت یات اِنت،بلکیں آ روچ داں مھشر اوں من ءَ یات بیت ، آ روچ ءَ من چوں شموشت کن آں کہ آ روچ پہ من یک بژنے اَت تو زان ئے من کُجام روچ ءِ ھبر ءَ آں؟ ھما روچ کہ من اوتھل ءَ ناکو ءِ ڈوار ءَ نِندوک اَت آں ءُ من ءَ چاھے دیم ءَ اَت ءُ منی ھیال ءَ منا کیپسٹن سگارے ھم دست ءَ اَت کہ ھمے دمان ءَ یک نوجوانے اتک کہ منی جِند ءِ کَسّے اَت ۔۔۔، ؟
اِنّاں بلکیں تچکیں ھبر ءَ کن آں-

آ پنجگور ءُ آواران ءِ نِندوکے اَت کہ آ اتک گوں ناکو ءَ اُردو ءَ ھبر ءَ شُرو بوت اے سنگت ءَ اُردو کُت ءُ ناکو ءَ بلوچی اے سنگت نوک نہ اَت کہ من بہ گوش آں بلکیں ناکو ءَ مہ زانت کہ ناکو بلوچی کنت کِساس 10 دہ مِنٹ ءَ داں اِشانی مجلس برجا اَت بَلے من ءَ ھمے ھبر بےکِساس درد بوت کہ اے دھیں دماناں ناکو ءَ یک ھبرے اُردو نہ کت بَلے سنگت ءَ اُردو کُت ءُ یک ھبرے بلوچی ئِے نہ کُت پد ءَ اے سنگت ءِ کُوریں دیداں بِہ چار کہ ناکو ءَ نور ھان بِیزنجو ءِ ھمے سوت ھم پِر کُتگ اَت کہ : ” ھزار بَھشت بھا پہ گُل ءِ گُلابیں چم ” جھان ءَ انگت نہ دیست من اے ڈول ءُ دابیں چم –

مِھروان منی گُشگ ءِ مُول ھمیش اِنت کہ ترا تئی راج چہ اے نگیگیں وبالاں گِسر کنگی اِنت ءُ یک بلوچے گُڑا آئی ءَ مُھکمیں بلوچے کنگ تئی سر ءَ ھژدری بِہ بیت۔

پد ءَ مھروان من برے برے جیڑاں کہ تو راہ ءِ نیم ءَ نِزور مَہ تَرّ ئے ءُ پُشت مہ جن ئے،پرچا کہ بلوچ ءِ آکبت باریں چی بیت ، اے ھبر ءَ ھمُک مردُم زانت نہ کنت پد ءَ یک نیمگے سرکار ءِ زوریں گِرّ ءُ چِلّ ، پد ءَ وھد ءِ گْورگِند اَنچو تُرند اَنت کہ ھر کَسے پہ زُبان ءَ جُھد کنت گُڑا نیم راہ ءَ آئی ءِ بیگوائی ءِ ھال الّم کیت اَنچو کہ سباہ دشتیاری ءِ ما ھبر ءَ بِہ کن ایں کہ چہ سَید زھور شاہ ھاشمی ءَ پد سباہ ءَ زُبان ءِ بار وتی کوپگاں زُرتگ اَت،پہ زُبان ءَ تچکیں سرپدی ءُ وتی راج ءَ را کوپگاں زوران ءُ روان اَت کہ واجہ ءِ سر ءَ ماں شال ءَ 2011 ءَ اناگاھی اُرش بوت ءُ شھید کنگ بوت۔

مھروان: من اے ھبر ءَ کدی دل ءَ نہ جیڑاں کہ من کُشک باں ، بیگواہ باں ، پرچا کہ من چہ ماتی زُبان ءَ شرتر نہ آں کہ آ وھد ءِ زوراکیں گوْرگِنداں گوں لگتمال اِنت ۔

من چہ آ سباہ دشتیاری شرتَر نہ آں کہ جنگ ءُ شھید کنگ بوت۔
من چہ شاھینہ شاھین ءَ شرتر نہ آں کہ کُشگ بوت من چہ کریمہ بلوچ ءَ شرتَر نہ آں کہ آ ماں کینڈا ٹورنٹو ءَ شھید کنگ بوت من ھمے ھبر ءَ جیڑان ءُ دل ءَ جزماں کہ من ءَ چہ پد منی پِگر منی راج ءِ تہ ءَ تالان بیت ، وھد ءِ ھاکم من ءَ کُشت کنت بَلے منی پِگر ءَ اِنّاں پد ءَ چی بروسا کہ باندا روچ منی پِگر ءِ سر ءَ چاکر ءُ گھرامے کار بِہ کنت ءُ زُبان ءَ دیم ءَ بارت۔

مِھروان: ترا اوں ھمے جیڑگی اِنت کہ تئی اوں زندگی چہ آھاں شرتَر نہ اِت کہ ھما ھاں پہ زُبان ءَ ساہ ندر کُتگ اَنت ،من سدّک آں کہ منی گار بوگ ءَ پد تو منی کاروان ءَ اوشت ءِ آماچی ءَ نیل ئے۔

مھروان: برے برے منی دل گوْش ایت کہ یکپارگی سرجمیں زُبان ءَ یکیں ساھت ءِ تہ ءَ زندگ بِہ کن بَلے منی وس داں آ ھد ءَ سر نہ بیت تو زان ئے چی ءَ چی ءَ کہ  برے برے اَنچیں جُست ءُ جیڑہ دیم ءَ کا اَنت کہ مردُم پورا گُنگ بیت گُشگ ءِ مول-

لھتیں روچ پیسر ءَ من گوں یک مردُمے ءَ ڈِکّ وارت گُڑا ما ھردو گپ ءُ تران ءَ کپت ایں داں ھبر اتک لبزانک ءِ سر ءَ ، روان روان داں ما اتک ایں دستونک ءِ سر ءَ گُڑا من ءَ ھمے سنگت ءَ جُست کُت کہ بلوچی زُبان ءِ اولی دستونک کَے ءَ نبشتہ کُتگ ءُ کدی؟ من کہ اے ھبر اِش کُت داں من گُنگ بوتاں پرچا کہ اے سنگت 3 کتاب ءِ واھند اَت ھر سے ایں کِتاب لچہکاری ئیگ اِت اَنت ، منی ٹیلگ درآتک اَنت۔ پد ءَ گُڑا من ھمے مَرد ءَ را چو پَسّو دات کہ ” بلوچی زُبان ءِ اولی دستونک واجہ ھزرت بابا ملنگ شاہ ءَ 1922 ءَ نبشتہ کُتگ،بابا ملنگ شاہ کراچی لیاری ءِ نِندوکے بیتگ ءُ بابا ءِ گُڑّی واب چہ اوں لیاری ءِ میواہ شاہ ادّیراہ اِنت۔

آئی ءَ من ءَ ھمے داب ءَ بازیں جُست ءُ پُرس کُت گُڑا من ءَ گُڈی ساھت ءَ ھمے گُوشت ئِے کہ تو کِتاب چی ءَ نبشتہ نہ کن ئے؟
گُڑا من ھمے پسّو دات کہ من ءُ کِتاب کِتاب کنوک سک زبر اَنت،ھاپز اَنت،مَرد گوں اے ھبر ءَ پُرشت ۔

مھروان: منی راج ءِ زانتکار کہ اے سواریاں سوار بِہ بنت ءُ روان بِہ کن اَنت گڑا منی زُبان ھِچ وڑ ءَ زِندگ بوت نہ کنت۔

پمیشکا مھروان ھرجاہ کہ منی گام گار بوت اَنت گُڑا ترا منی گامانی سر ءَ گام ایر کنگ ءُ رَوگی اِنت دُرستاں چہ پیسر لھتیں شوانگ بِہ چِن ءُ نَزّار کہ رمّگاں گُرک مہ وارت ءُ من ءَ چہ پد ترا تئی زُبان ءِ پھنات ھمے داب ءَ پراہ ءُ شاھگان کنگی اِنت کہ دِگے بَرے جِند ءِ زُبان ءِ نبیسوک اے جُست ءَ مہ کن اَنت کہ من کَے آں ءُ کُجا چہ اتکگ آں ءُ وتی زُبان ءَ ھما جاہ ءَ بیار ءُ سر بِہ کن کہ دُنیا تئی زُبان ءِ گُلام بِہ بیت ءُ منی شھدیں بلوچی دُرستیں زُبانی پاگواجہ بِہ بیت۔

روان اِنت


دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کارے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔

نوکتریں

شال ءَ بیگواھیں مردمانی درگیجگ ءَ زھرشانی برجاہ

راشد حسین ءِ لوگ ءَ بیڑ برگ ءُ کھول ءِ لَٹ ءُ کُٹ کنگ، باندا شال ءَ زھرشانی کنگ بیت اِنت...

اوگانستان ءِ لشکر ءَ اوگانستان ءِ دو ھندانی دستیگ کنگ ءِ ھال رسانکدران شنگ کرتگ

سر بیتگیں ھالانی رد ءَ اوگانستان ءِ لشکر ءِ تْرُندیں جنگی اُرش تالبان ءِ بگیری ءَ برجاہ اَنت، اوگانستان ءِ لشکر...

ماھنور بلوچ ءُ آسما بزنجو ءِ گپ ءُ رپ-ماھنور بلوچ

نبشتانک: ماھنور بلوچ ءُ آسما بزنجو ءِ گپ ءُ رپ نبشتہ کار : ماھنور بلوچ

ھزدار ءَ سُھرک ءِ نادراھی شنگ، دو زھگ بیران

سربوتگیں ھالانی رِد ءَ ھزدار ءِ دمگ گروک نال ءِ ھند سیندل کاریز ءُ مھرگی ءَ سُھرک ءِ نادراھی ءِ تالان...