چاگی ءَ شومک ءِ نادراھانی ءِ تہ ءَ گیشی اتکگ

سربوتگیں ھالانی رِد ءَ بلوچستان ءِ دمگ چاگی ءَ شومک ءِ نادراھانی ءِ تہ ءَ گیشی اتکگ – پہ وھد الاج ءِ نہ بوگ ءُ شومک ءِ نادراھجاہ ءِ نہ بوگ ءِ سوب ءَ مردم مرگ ءِ دیمپان بوان انت –

ھالانی رِد ءَ بلوچستان ءِ دمگ چاگی ءُ چھتر، دالبندین ءُ دگہ دمگاں ھمک روچ نادراھانی تہ ءَ گیشی آیگ ءَ انت نادراھانی تہ ءَ گیشی آیگ ءِ سوب ءَ اودے مھلوک پریشانیانی دیمپان انت – پرچاکہ یک ء وَ اودے مردم گریب ءُ بزگری ءِ سوب ءَ دگہ بازیں جیڑھانی دیمپان انت ءُ دومی بلوچستان ءَ شومک ءِ نادراھجاہ نہ بوگ ءِ سوب ءَ نادراھاں بازیں اڑ ءَ جنجالانی دیمپانی انت – بلوچستان ءِ دمگ چاگی ءُ دگہ دمگاں بازیں مردمے شومک ءِ نادراھی ءَ بیران بیتگ اَنت –

ھالانی رِد ءَ چاگی ءَ کندیل فاطمہ ء یحیی خان، بی بی سمیقہ ء عبدالباسط، ءُ دگہ بازیں زھگ شومک ءِ نادراھی دیمپان انت –

مھلوک ءَ لوٹ کتگ کہ آھاں شومک ءِ نادراھجاہ جوّ کنگ ءُ دیگ بہ بیت تانکہ پہ وھد اھانی الاج کنگ بہ بنت –

زانگ بہ بیت بلوچستان ءَ ھواریں سیاسی گلانی گوشگ اِنت بیست ءُ ھشت مئی نوزدہ سد ءُ نود ءُ ھشت ءَ کہ چاگی ءِ کوھانی تہ ءَ زھرناکیں تراک کنگ بوتگ چرائی ءَ پد چاگی مھلوک ءَ شومک ءُ دگہ نادراھی پہ سوگات ءَ رس اِتگ –

بلوچستان ءَ ھمک سال بازیں کساساں مھلوک ھمے نادراھی ءِ آماچ بیان اَنت گوستگیں سال ءَ شنگ بیتگیں رپورٹے ءِ رد ءَ سال ءِ تہ ءَ دوازدہ ھزار مردم شومک ءَ وتی وڑالاں جتگ اَنت –