کیچ : نیزگاریں کھول جی ایس ایس ءِ باسکاں وردنی ءُ دگہ سامانانی کُمک کتگ

تربت ءِ دمگ فشریز کرکینی ءَ اسٹوڈنس سوسائیٹی ءِ باسکاں گوں نیزگار ءُ اسرمندیں کھولے ءَ نند ءُ نیاد کتگ ءُ مالی کمک کتگ ءُ زھگانی وانگ ءِ ڈبہ وتی کوپگاں زرتگ –

چہ جی ایس ایس ءِ نیمگ ءَ گزی مری نامیں نیزگاریں کھول مردماں پُچ پوشاکاں ھوار کسانیں زھگاں وانگی ءُ دگہ زلورتی ساز ءُ سامان دیگ بوتگ انت –

جی ایس ایس ءِ رد ءَ شنگ بیتگیں ھالانی رد ءَ گزی مری ءِ لوگ ناگتی سُتکگ اَنت ءُ آئی ءِ گور ءَ اے وھد ءَ بے کساسیں تنگدستیاں مانشان اِتگ ءُ چریشی ءَ جی ایس ایس ءَ ھال سر بیتگ ءُ باسکاں گزی مری ءِ گند ءُ نند کرتگ ءُ گزی مری ءِ کھول ءَ گُد ءُ وردنی ءُ آئی ءِ کسان سالیں زھگانی وانگ ءِ زمہ واری وتی کوپگاں زرتگ اَنت –

آئی ءِ گوشگ اِنت گزی مری فشریز کرکینی ءَ نندوک بیتگ ءُ گوستگیں روچاں آئی ءِ کاشی گداناں آس کپتگ ءُ چریشی ءَ گزی مری گدانانی ھمراھی ءَ زند ءِ دراھیں آسراتیاں زبھر بیتگ –

آئی ءِ گوشگ اِنت جی ایس ایس ءِ جھد ھمیش اِنت کہ آ نیزگار ءُ تنگدستیں مردمانی کُمک ءَ بہ کنت ھما زھگ کہ وانگجاھاں دور اَنت آیانی کُمک کنت اِنت –