زامران ءَ ڈیتھ اسکوڈ ءِ گون ءَ جنگ ءَ شھید بیتگیں سرمچاراں دروت – یو بی اے

بلوچ آجوئی لوٹوکیں سلاہ بندیں گل یونائیٹد بلوچ آرمی ءِ جارکش مزار بلوچ ءَ رسانکداراں وتی شنگ کرتگیں درشان ءِ تہ ءَ گوشتگ کہ گوستگیں روچ ءَ مگرب ءِ وھد ءَ زامران ءَ زورگریں پاکستانی پوج ءِ دمگی ڈیتھ اسکواڈ ءُ سرمچارانی میان ءَ دیم پہ دیمی میڑ بوتگ اے میڑ ھما وھد ءَ بوتگ وھدیکہ سرمچار گل ءِ کارے ءِ سرجم کنگ ءَ پد وتی اوتاک ءَ واتر آیگ ءَ بوتگ اَنت کہ دمگی ڈیتھ اسکواڈ ءَ پیسر ءَ راہ بستگ ءُ سنگر گپتگ ءُ نشتگ اَنت، دیم پہ دیمی میڑ بندات بوتگ-

جارکش ءَ گوشتگ کہ میڑ ءِ میان ءَ مئے سَے سرمچاریں سنگت اوتاک ءِ کماندار خالد بلوچ پنام ء بیبگر، عمران پنام ء جلال ءُ بلال پنام ماجد بلوچ شھید بوتگ انت –

جارکش ءَ گْوشتگ کہ کماندار خالد بلوچ پنام بیبگر چہ دوھزار ءُ ھبدہ ءَ یو بی اے ءَ بندوک بوتگ، بیبگر یک نہ تُرس ءُ جپاکشیں سرمچارے بوتگ کہ پد ءَ چہ وتی ایماندار ءُ جپاکشی ءِ سْوب ءَ داں شھیدی ءِ روچاں اوتاک ءِ کماندار ءِ اُگدہ ءِ گون بوتگ- عمران پنام جلال ھم دوھزار ءُ ھبدہ ءَ گوں یو بی اے ءَ بندوک بوتگ، عمران داں دو سال ءَ شور ءُ پارود ءُ پد ءَ زامران ءَ بوتگ، وھدیکہ بلال پنام ماجد ءَ چہ سال دوھزار نوزدہ ءَ یو بی اے ءِ پلیٹ فارم ءَ زورگریں دُژمن ءِ بگیری ءَ وتی جنگ بندات کُتگ-

آئی ءَ گْوشتگ کہ یو بی اے ءَ سَیں شھید زمین ءِ میار کُتگ اَنت-

جارکش ءَ گْوشتگ کہ شھیدیں سرمچاراں سرڈگار ءِ دیمپانی ءُ قربانی ءَ سُھریں دروت ندر کنیں ءُ داں بلوچستان ءِ آجوئی ءَ جُھد برجاہ مان ایت-