مارگٹ ءَ پاکستانی پوج ءِ گاڑی ءِ سرءَ تراک، اُرش ءِ زمہ واری بی ایل اے ءَ منّ اِتگ

مارگٹ ءَ پاکستانی پوج ءِ گاڑی ءِ تراک ناکیں شوروانی نشانگ جوڑ کتگ ءُ جانی ءُ مالی تاوان داتگ – جئیند بلوچ

سربوتگیں ھالانی رِد ءَ بلوچستان ءِ دمگ بولان ھرنائی ءَ ناشناسیں مردماں پاکستانی پوج ءِ گاڑی ءِ تراک ناکیں شوروانی نشانگ جوڑ کتگ –

پاکستانی پوج بولان ءِ دمگ مارگٹ ءَ نشانگ جوڑ کنگ بوتگ چریشی ءَ پاکستانی پوج ءَ جانی ءُ مالی تاوان رس اتگ –

دومی نیمگ ءَ بلوچ آجوئی لوٹوکیں سلاہ بندیں گل بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ اے تراک ءِ زمّہ واری منّ اِتگ ءُ گوشتگ کہ مئے سرمچاراں مروچی بولان ءِ دمگ مارگٹ ءَ زورگیریں پاکستانی پوج ءِ یک گاڑی ءِ تراک ناکیں شوروانی نشانگ جوڑ کتگ –

جارکش ءَ گوشتگ کہ تراک ءِ آسر ءَ دشمنیں پوج ءَ جانی ءُ مالی تاوان رس اتگ –

گڈسر ءَ جارکش ءَ وتی درشان ءِ تہ ءَ گوشتگ بلوچ سرڈگار ءِ آجوئی ءَ تاں مئے اُرش زورگیریں پوج ءِ سر ءَ برجاہ مان انت –