ٹوبہ ءَ سَے پوجی کارمندانی کوش ءِ زمّہ واری ءَ منّ اِیں- میجر گْوھرام بلوچ
سربوتگیں ھالانی رِد ءَ مروچی آدینگ ءِ روچ ءَ ناشناسیں مردماں بلوچستان ءِ دمگ گچک ٹوبہ ءَ پاکستانی پوج تراک ناکیں شوروانی نشانگ جوڑ کتگ – چریشی ءَ پاکستانی پوج تاوان بار بوتگ –
دومی نیمگ ءَ بلوچ آجوئی لوٹوکیں سلاہ بندیں گل بلوچستان لبریشن فرنٹ ءِ جارکش میجر گْوھرام بلوچ ءَ رسانکدراں وتی شنگ کرتگیں درشان ءِ تہ ءَ اے اُرش ءِ زمّہ واری منّ اِتگ ءُ گوشتگ کہ گچک ءِ دمگ ٹوبہ ءَ سئے پوجی کارمند چیر کتگیں شوروانی تراک ءِ زد ءَ اَتکگ اَنت ءُ مرتگ اَنت-
میجر گوھرام بلوچ ءَ دیمتر ءَ گوَشتگ کہ آدینگ ءِ روچ ءَ مئے سرمچاراں گچک ءِ دمگ ٹوبہ ءَ زورگیریں پاکستانی پوج ءِ یک سنگرے ءِ تہ ءَ تراکناکیں شورو کل کتگ، کہ اے سنگر ءَ پوج ترّ ءُ تاب ءِ وھد ءَ کارمرز کنت-
آئی ءَ گوشتگ کہ مئے سرمچاراں ھال سربوتگ گڑا آھاں ھمے سنگر ءِ توک ءَ پیسرا تراکناکیں شورو کل کتگ چریشی ءِ آسر ءَ پوج ءِ سَے کارمند مرتگ-
گڈسر ءَ جارکش میجر گْوھرام بلوچ ءَ وتی درشان ءِ تہ ءَ گوشتگ کہ بلوچستان ءِ آجوئی ءَ تاں مئے اُرش برجاہ مان انت –