اوڑماڑہ ءَ دگ ءِ وئیل ءَ دو کس بیران، یکے زدگ

سر بیتگیں ھالانی رد ءَ بلوچستان ءِ تیابدپی شھر گوادر ءِ ھند اورماڑہ ءَ دو گاڑی ٹکر وارتگ کہ چریشی ءِ سوب ءَ دو لس بیران ءُ دو زدگ بیتگ اَنت –

وئیل اوڑمار ءِ ھند بسول کواری ءَ پیش اتکگ کہ اود ءَ کوچ ءُ مزدا کنٹینرے ءَ ٹکر وارتگ کہ چریشی ءِ سوب ءَ مزدا کنٹینر ءِ ڈرائیور ءُ کلینر بیران ءُ کوچ ءِ ڈرائیور زدگ بیتگ –

وئیل سھب ءَ بامسار ءَ بیتگ ءُ اود ءَ لیویز کارمند ار بیتگ ءُ بیران ءُ زدگ بیتگیں مردم اش چِست کرتگ ءُ نادراہ جاہ ءَ سر اش کرتگ اَنت –

زانگ بہ بیت بلوچستان ءَ دگ ءِ وئیلاں بازیں مردمے زندگی ءَ زبھر بیگ ءَ اِنت کہ اے سال ءِ بندات ءَ بلوچستان ءِ دگ ءِ وئیلانی تہ ءَ باز گیشی اَتکگ ءُ بازیں مردمے زوال بیتگ اَنت –

لس مردمانی گوشگ اِنت کہ دگانی پُرشت ءُ پروشی ءُ دگانی سر ءَ پھزداروکیں واکدارانی نہ بیگ ءِ سوب ءَ گاڑیانی ڈرائیور لاپرواھی کن اَنت ءُ ترند رو اَنت چریشی ءَ گیشتریں وئیل دیم ءَ کاینت ءُ بلوچستان ءَ ھزارانی کچ ءَ مردم چہ زندگی ءَ زبھر بیان اَنت –