گومازی ءَ نونھال کُنشکلات ءُ آل شاھین گومازی ءِ میان ءَ پُٹبال گوازی

نونھال کونشکلات ءَ آل شاھین گومازی ءِ دیم ءَ سَے گول ءَ باج برتگ گوازی وتی نام ءَ کرتگ –

بنام ءِ شھید چئیرمین دوست محمد شھید تاھر، شھید محبوب ءِ یات ءَ برجم داشتگیں ٹورنمنٹ گومازی اسکول پٹبال پٹ ءَ مروچی اولی راؤنڈ ءِ نُھمی گوازی کنگ بوتگ –

مروچگیں گوازی ءَ نونھال کُنشکلات ءُ آل شاھین گومازی ءِ میان ءَ بوتگ ، دؤئیں ٹیمانی لیبیاں گوں جوانی ءَ لیب داشتگ – آل شاھین گومازی ءَ یک گولے داتگ ، وھدیکہ نونھال کُنشکلات ءَ سَے گول داتگ ءُ باج برتگ- آل شاھین ءِ ٹیم پروش داتگ-

آؤکیں گوازی گومازی ءَ سنج تمپ ءُ آل شاھین کورجو ءِ میان ءَ اسکول گراؤنڈ ءِ پٹ ءَ بیت انت-

زانگ بہ بیت مروچی گومازی اسکول پٹ یَ برجاھیں پٹبال گوازی ءِ اولی راؤنڈ ءِ نُھمی گوازی کنگ بوتگ، اے ٹورنمنٹ آل ڈسٹرکٹ ءَ بیست ءُ چار ٹیماں بھر زرتگ، ٹورنمنٹ بلوچی زبان ءِ شائر اختر عمر ءُ محبوب ءِ کسترین برات ھماد بلوچ ءِ چیر دستی ءَ برجم دارگ بوتگ –