ھاران ءَ ایف سی ءِ چوکی ءِ سر ءَ بیتگیں اُرش ءِ زمہ واری بی آر اے ءَ منّ اِتگ

گوستگیں بیگاہ ءِ اُرش ءَ پوج ءِ چوکی ءَ کمے تاوانبار بیتگ – بیبگر بلوچ

سر بیتگیں ھالانی رد ءَ گوستگیں بیگاہ ءَ ناشناسیں سلاہ بندیں مردماں ھاران ءِ دمگ لجی ءَ پاکستانی پوج ءِ سر ءَ اُرش کرتگ –

دمگی مردمانی رد ءَ اُرش ھما وھد ءَ کنگ بیتگ کہ پاکستانی ایف سی وتی بنجل ءَ بازیں کچے ءَ جاڑیگ بیتگ ءُ ھمے وھد ءَ ناشناسیں سلاہ بندیں مردماں اُرش کرتگ، اُرش ءَ ایف سی ءِ جانی تاوانانی گمان کنگ بیتگ –

دومی نیمگ ءَ بلوچ آجوئی لوٹوکیں سلاہ بندیں گل بی ار اے ءَ اے اُرش ءِ زمہ واری منّ اِتگ-

بی آر اے ءِ جارکش بیبگر بلوچ ءَ وتی شنگ کرتگیں درشانی ءَ گوشتگ کہ گوستگیں بیگاہ ءَ ھاران ءِ دمگ لجی بیھی ءَ مئے سرمچاراں ایف سی ءِ چوکی راکٹ ءُ وتکاریں سلاھانی گون ءَ مانبستگ ءُ چریشی ءَ دو ایف سی کارمند مرتگ ءُ اُرش ءَ چوکی ءَ کمے تاوان بیتگ –

بیبگر بلوچ ءَ گوشت کہ مئے اے وڑیں اُرش بلوچستان ءِ سرجم بیگ ءَ برجاہ مان اَنت –