شال: وڈھ ءَ دگ ءِ وئیلے ءَ یکیں کھول ءِ سَے مردم بیران، دو زدگ

دی بلوچستان پوسٹ

سر سر بیتگیں ھالانی رد ءَ وڈھ ءَ شال ءُ کراچی ءِ مزن شھدگ ءَ دگ ءِ وئیلے ءَ یکیں کھول ءِ سَے مردم بیران ءُ دو زدگ بیتگ اَنت –

وئیل وڈھ ءِ نزیک ءَ مزن شھدھ ءَ پیش اتکگ کہ اود ءَ ٹرک ءُ یک سواری گاڑی ءَ ٹکر وارتگ چریشی ءَ زالبولے ءَ ھوار سَے مردم بیران بیتگ ءُ دو زدگ بیتگ اَنت –

ھالانی رد ءَ وئیل ءَ بیران بیتگیں مردم یکیں کھول ءَ سیادی دار اَنت ءُ شال ءِ جھمنند اَنت –

وئیل ءَ پد زدگ ءُ بیران بیتگیں مردم چِست کنگ ءُ شال ءِ نادراہ جاہ ءَ برگ بیتگ اَنت –

بلوچستان ءِ بازیں ھند ءُ دمگاں دگ ءِ وئیلانی ھال یکشل ءَ پیداک اَنت اے نوکیں سال ءِ بنداتی روچ ءِ بنداتی وئیل اِنت –