بلوچستان: شال ءَ سارتی ءِ زور گیش، گرم ءِ کمتریں زور چار ءَ سر بیتگ

دی بلوچستان پوسٹ

شال ءَ ھوار بلوچستان ءِ گوریچی دمگ ءُ گوریچی روکپت ءِ دمگاں سارتی ءِ زور گیش بیتگ ءُ مولم ھشک اِنت، شال ءَ گرم ءِ زور چار رکاڈ کنگ بیتگ ءُ کلات ءَ شش سینٹی گریڈ رکاڈ کنگ بیتگ اَنت –

مولم شناسانی رد ءَ شال ءُ کش ءُ گوری دمگاں ساپیں آسمان ءِ ھواری ءَ مولم سارت ءُ ھشک اِنت ءُ سھب ءَ شھر ءِ گرم ءِ زور چار ڈگری سینٹی گریڈ رکاڈ کنگ بیتگ –

ھمے وڑ ءَ اُستان ءِ گوریچی ءُ گوریچی روکپت ءِ دمگاں مولم سارت ءُ ھُشکی ءِ جاورھال اَنت-

سھب ءَ ژوپ ءَ گرمی ءِ زور سَے، دلبندین ءَ یکے، سبی ءَ چار ءُ ھزدار ءَ چار ڈگری سینٹی گریڈ رکاڈ کنگ بیتگ اَنت –

مولم شناسانی رد ءَ آؤکیں بیست ءُ چار ادارانی تہ ءَ بلوچستان ءِ گوریچانی دمگاں موسم ءِ سک سارت بیگ ءِ گمان اِنت –