دی بلوچستان پوسٹ
بلوچستان ءِ کاروباری شھر ھب ءَ دو وئیلاں یک کسان سالیں زھگے بیران بوتگ ءُ دومی وئیل ءَ یک مردمے زدگ
ایدھی ءِ پھازدارانی رِد ءَ ھب ءِ دمگ گلشن آمیر آباد ءَ ڈبل مسیت ءِ نزیک ءَ آپ ءِ ٹنکرے ءَ کسان سالیں زھگے لگت داتگ – چریشی ءِ آسر ءَ ھپت سالی ئیں عصمت اللہ ء نصراللہ ھما دمان ءَ بیران بوتگ – بیران بوتگیں زھگ ءِ جون ھسپتال ءَ برگ بوتگ اژدری چار ءُ ٹپاس ءَ پد کھول ءِ گور ءَ سر کنگ بوتگ –
دومی وئیل گڈانی ءَ دیم ءَ اتکگ کہ پرپٹے کپتگ – چہ پرپٹ ءَ ارسلان ء حمید کپتگ ءُ زدگ بوتگ – کہ ھما دمان ءَ سول ھسپتال ءَ برگ بوتگ ٹپانی درمان کنگ ءَ پد پہ گیشیں درمانی ءِ ھاتر ءَ کراچی ءَ دیم دیگ بوتگ –